09:53 07 ივლისი 2020
პირდაპირი ეთერი
  • EUR3.4477
  • 100 RUB4.2454
  • USD3.0532
კულტურა
მოკლე ბმულის მიღება
საქართველო და კულტურა (853)
94 0 0

აჯიკის, როგორც ერთ-ერთი ყველაზე პოპულარული საწებელის პატივსაცემად 21 სექტემბერს ფესტივალი გაიმართება.

თბილისი, 17 სექტემბერი — Sputnik. საქართველოში აჯიკის ფესტივალი უკვე მეორედ ჩატარდება, წელს ის მთაწმინდის პარკში 21 სექტემბერს გაიმართება, ნათქვამია ორგანიზატორების განცხადებაში.

ფესტივალზე აჯიკის ყველაზე საუკეთესო მწარმოებელს გამოავლენენ. მის სახელს განსაზღვრავს პროფესიონალი ჟიური შეფ-მზარეული ლევან კობიაშვილის ხელმძღვანელობით. ესაა ფესტივალის ერთ-ერთი მთავარი სიახლე.

ყველაზე გემრიელ აჯიკას სამ ნომინაციაში გამოავლენენ: წითელი, მწვანე და მშრალი აჯიკა. ფესტივალის სტუმრები არაერთ ფასეულ ინფორმაციას მიიღებენ მცირე და საშუალო ბიზნესის წარმომადგენლების მხრიდან აჯიკის წარმოებასა და რეალიზაციაზე.

აჯიკის გარდა, ფესტივალის ფარგლებში წარმოდგენილი იქნება სხვა პროდუქტიც: ტყემალი, საწებელი, სვანური მარილი, ტრადიციული სუნელები და სხვ.

ფესტივალს ესტუმრებიან ფერმერები საქართველოს სხვადასხვა რეგიონიდან, რომლებიც ისაუბრებენ ჯანმრთელობისთვის უსაფრთხო და ეკოლოგიურად სუფთა საკვების წარმოებაზე.

აჯიკის ფესტივალი პირველად 2018 წელს ზუგდიდში ჩატარდა.

თემები:
საქართველო და კულტურა (853)

მთავარი თემები