21:07 18 სექტემბერი 2019
პირდაპირი ეთერი
  • EUR3.2657
  • 100 RUB4.6163
  • USD2.9626
ვანის ახალი არქეოლოგიური მუზეუმი

ვანში ახალი არქეოლოგიური მუზეუმი გაიხსნება

© Photo: mdf.org /FB
კულტურა
მოკლე ბმულის მიღება
საქართველო და კულტურა (375)
58 0 0

მუზეუმი ადაპტირებული იქნება შშმ პირებისთვის და მას აქვს პრეტენზია, რომ რეგიონში საუკეთესო მუზეუმი იყოს.

თბილისი, 23 აგვისტო — Sputnik. მალე იმერეთში, ქალაქ ვანში ახალი არქეოლოგიური მუზეუმი გაჩნდება, მისი მშენებლობა დასკვნით ეტაპზეა, ნათქვამია საქართველოს მუნიციპალური განვითარების ფონდის განცხადებაში.

ვანში უკვე არის არქეოლოგიური მუზეუმი, რომელიც 1985 წელს დაარსდა ვანის არქეოლოგიური ექსპედიციის ხელმძღვანელის, აკადემიკოს ოთარ ლორთქიფანიძის ინიციატივით. ოთარ ლორთქიფანიძეს უდიდესი ღვაწლი მიუძღვის ვანის ნაქალაქარის კვლევასა და, საერთოდ, ქართულ არქეოლოგიაში. ვანის არქეოლოგიური მუზეუმი დღეს მის სახელს ატარებს.

2012 წელს მიიღეს გადაწყვეტილება, რომ აშენებულიყო უფრო მასშტაბური შენობა.

პროექტის ღირებულებაა 19 მლნ ლარი. მას აფინანსებენ საქართველოს მუნიციპალური განვითარების ფონდი და მსოფლიო ბანკი.

ახალ შენობასთან ერთად მუზეუმს ექნება თავისი ავტოსადგომი, მცირე ბიბლიოთეკა, ლაბორატორია, კაფეტერია, ოფისი და მუზეუმამდე მისასვლელი ახალი გზა.

სამშენებლო სამუშაოების დასრულების შემდეგ მუზეუმი ადაპტირებული იქნება შშმ პირებისთვის, იქნება საერთაშორისო სტანდარტების შესატყვისი. ამასთან, მას აქვს პრეტენზია, რომ რეგიონში საუკეთესო მუზეუმი იყოს.

თემები:
საქართველო და კულტურა (375)

მთავარი თემები