15:29 22 ნოემბერი 2019
პირდაპირი ეთერი
  • EUR3.3000
  • 100 RUB4.6712
  • USD2.9781
ზუგდიდი

ზუგდიდში თანამედროვე ხელოვნების ფესტივალი F5 გაიმართება

© Sputnik / Denis Aslanov
კულტურა
მოკლე ბმულის მიღება
საქართველო და კულტურა (558)
60 0 0

ფესტივალის ძირითადი თემებია – 90-იანი წლების ლიტერატურული ავანგარდი, ენა და პოეზია, სისტემა და საზოგადოება, ქართული რეივი.

თბილისი, 16 ივლისი — Sputnik. ზუგდიდის თანამედროვე ხელოვნების ფესტივალ F5-ში ცნობილი ქართველი პოეტები, მწერლები და მუსიკოსები მიიღებენ მონაწილეობას, რომელიც 20-21 ივლისს გაიმართება.

ზუგდიდის ფესტივალი, რომელიც, ტრადიციულად, მოიცავს ლიტერატურულ და მუსიკალური პროგრამებს, მეორედ ტარდება. ღონისძიების ორგანიზატორია ორი ახალგაზრდა ქართველი პოეტი – ნიკა ლაშხია და გიორგი შონია, ფესტივალის მხარდამჭერები კი „ანაკლიის განვითარების კონსორციუმი" და გამომცემლობა „ინტელექტი".

ფესტივალის მიზანია თანამედროვე ქართული ხელოვნების პოპულარიზაცია და ქვეყნის კულტურულ ცხოვრებაში რეგიონების ჩართულობის ხელშეწყობა.

წელს F5-ის ლიტერატურულ ნაწილში მონაწილეობენ ისეთი ქართველი ლიტერატორები, როგორებიც არიან გიორგი ლობჟანიძე, დიანა ანფიმიადი, დათო ჯიქია, ალექს ჩიქვინაძე, შოთა იათაშვილი, დათო ჩიხლაძე, დათო რობაქიძე, ირმა ტაველიძე, ივა ფეზუაშვილი, სემიონ ხანინი.

ფესტივალში 2019 წელს პირველად მიიღებს მონაწილეობას უცხოელი სტუმარი, მწერალი და პოეტი, ლატვიელი სემიონ ხანინი.

ფესტივალის ძირითადი თემებია – 90-იანი წლების ლიტერატურული ავანგარდი, ენა და პოეზია, სისტემა და საზოგადოება, ქართული რეივი.

რაც შეეხება მუსიკალურ პროგრამებს, მასში მონაწილეობენ მებო ნუცუბიძე და გიორგი ძამუკაშვილი. ფესტივალი კაფე-ბარ Art House-ში გაიმართება, დასწრება თავისუფალია.

თემები:
საქართველო და კულტურა (558)

მთავარი თემები