11:00 21 სექტემბერი 2018
პირდაპირი ეთერი
  • EUR3.0693
  • 100 RUB3.9538
  • USD2.6193
თბილისობა

„თბილისობა" ოქტომბრის დასაწყისში გაიმართება

© Sputnik / Alexander Imedashvili
კულტურა
მოკლე ბმულის მიღება
თბილისის მერია (131)
60 0 0

ამიერიდან „თბილისობის" აღნიშვნის ტრადიცია ოქტომბრის პირველ შაბათ-კვირას დამკვიდრდება.

თბილისი, 13 სექტემბერი — Sputnik. „თბილისობა 2018" 6-7 ოქტომბერს გაიმართება, განაცხადა თბილისის მერმა კახა კალაძემ.

მისი სიტყვებით, ამიერიდან „თბილისობის" აღნიშვნის ტრადიცია ოქტომბრის პირველ შაბათ-კვირას დამკვიდრდება.

"ჩვენ არაერთხელ მოგვმართეს ტურისტულმა კომპანიებმა „თბილისობის" თარიღის წინასწარ დასახელების თხოვნით, რადგან ტურისტების მხრიდან დიდი ინტერესია. მინდა გითხრათ, რომ მომდევნო წლების განმავლობაში „თბილისობა" გაიმართება ოქტომბრის პირველ შაბათ-კვირას. ტურისტული კომპანიებისთვისაც კარგი იქნება, რადგან წინასწარ ეცოდინებათ და მოემზადებიან ამ ღონისძიებებისთვის", – განაცხადა კახა კალაძემ.

2018 წელს 39-ე „თბილისობა" გაიმართება. ქალაქის დღე პირველად 1979 წელს იზეიმეს. ღონისძიების გამართვის ინიციატორი ცნობილი ქართველი მოგზაური, ეთნოგრაფი და ჟურნალისტი გვანჯი მანიაა.

1989-1994 წლებში რთული სოციალურ-ეკონომიკური მდგომარეობის გამო „თბილისობის" ზეიმი არ ჩატარებულა.

 

თემები:
თბილისის მერია (131)

მთავარი თემები