02:48 01 ნოემბერი 2020
პირდაპირი ეთერი
  • EUR3.7732
  • 100 RUB4.0776
  • USD3.2327
კავკასია
მოკლე ბმულის მიღება
ესკალაცია ყარაბაღში 2020 (97)
115 0 0

საბრძოლო მოქმედებები კვირას დილით დაიწყო, ბაქო და ერევანი ერთმანეთს აგრესიაში ადანაშაულებენ და მოწინააღმდეგე მხარის დანაკარგებზე საუბრობენ

თბილისი, 27 სექტემბერი — Sputnik. მთიან ყარაბაღში 27 სექტემბრის დილას სიტუაცია მკვეთრად გამწვავდა - სომხეთი და აზერბაიჯანი ერთმანეთს აგრესიაში ადანაშაულებენ.

აზერბაიჯანის თავდაცვის სამინისტროში ამტკიცებენ, რომ ცეცხლი გახსნა სომხეთის შეიარაღებულმა ძალებმა, რომლებმაც განახორციელეს სროლა ტერტერის, აღდამის, ფუზულის და ჯაბრაილის რაიონებში მდებარე სოფლების მიმართულებით. უწყების მონაცემებით, მშვიდობიან მოსახლეობაში არიან მოკლულები და დაჭრილები. აზერბაიჯანის ძალები საპასუხო ზომებს იღებენ, იუწყება Sputnik-აზერბაიჯანი.

თავის მხრივ, სომხეთის პრემიერ-მინისტრმა ნიკოლ ფაშინიანმა განაცხადა, რომ აზერბაიჯანმა ყარაბაღის მიმართულებით შეტევა დაიწყო, იუწყება Sputnik-სომხეთი.

„თავდაცვის არმია წარმატებულ წინააღმდეგობას უწევს შეტევას. სიტუაცია ოპერატიულად ვითარდება, ინფორმაცია საჭიროებისამებრ შეჯამდება და გამოქვეყნდება“, - დაწერა მან Facebook-ზე.

მხარეები მოწინააღმდეგის დანაკარგებზე საუბრობენ. ასე, სომხეთში ჩამოგდებულ ვერტმფრენებსა და აფეთქებულ ტანკებზე საუბრობენ, ხოლო აზერბაიჯანში - განადგურებულ საზენიტო კომპლექსებზე.

აზერბაიჯანი–სომხეთის საზღვართან ვითარება 12 ივლისს მკვეთრად გაუარესდა. სროლები მიმდინარეობდა აზერბაიჯანის მხარეს თოვუზის რაიონში, ხოლო სომხეთის მხარეს – ტავუშის ოლქში. ეს ტერიტორია საკმაოდ ახლოსაა საქართველოს საზღვართან და ასობით კილომეტრითაა დაშორებული არაღიარებული მთიანი ყარაბაღიდან, სადაც მაშინ მშვიდი ვითარება იყო.

თემები:
ესკალაცია ყარაბაღში 2020 (97)

მთავარი თემები