04:10 20 სექტემბერი 2019
პირდაპირი ეთერი
  • EUR3.2902
  • 100 RUB4.6406
  • USD2.9738
მატარებელი ერევანი-ბათუმი-ერევანი

ქართველი რკინიგზელების გაფიცვით სომხეთი დაზარალდება?!

© photo: Sputnik / Asatur Yesayants
კავკასია
მოკლე ბმულის მიღება
ტრანსპორტი საქართველოში (112)
104 0 0

სომხეთში „საქართველოს რკინიგზის" თანამშრომლების შესაძლო გაფიცვის ფაქტით უკმაყოფილო არიან

თბილისი, 5 აგვისტო — Sputnik. თუ ქართველი რკინიგზელები გაიფიცებიან, ეს ავტომატურად გამოიწვევს სომხური რკინიგზის საქმიანობის შეჩერებასაც, იუწყება „Sputnik სომხეთი" სს „სამხრეთ-კავკასიის რკინიგზის" პრეს-მდივან რუბენ გრძელიანზე დაყრდნობით.

საქართველოს რკინიგზა: ხელფასების 50%-იანი მატება შეუსრულებელი მოთხოვნაა>>>

კომპანია "საქართველოს რკინიგზის" თანამშრომლები საპროტესტო აქციისა და გაფიცვის გამართვას გეგმავენ. ისინი ხელმძღვანელობას ხელფასების 50%-ით გაზრდას თხოვენ. პეტიციას ხელი უკვე მოაწერა 4800-მა თანამშრომელმა. გაფიცვის ზუსტი თარიღი 10 აგვისტოს გახდება ცნობილი.

„სომხეთის რკინიგზა ამ სიახლით შეშფოთებულია, რამდენადაც ქართულ რკინიგზას ალტერნატივა არ აქვს. იმედი გვაქვს, რომ ეს არ მოხდება", - განაცხადა გრძელიანმა.

ამ დროისთვის კომპანიის წარმომადგენელი ვერ საუბრობს, ქართველი რკინიგზელების გაფიცვა თუ რა ოდენობის ეკონომიკურ ზარალს გამოიწვევს.

ერთი რამ ნათელია: საქართველოში გაფიცვის შედეგად გაჩერდება ერევანი-ბათუმი-ერევნის მატარებელი, რაც ნიშნავს, რომ დაახლოებით 800 ადამიანი ვერ შეძლებს საქართველოში წასვლას ან სომხეთში ჩასვლას.

თავის მხრივ, კომპანია „საქართველოს რკინიგზის" განცხადებაში ნათქვამია, რომ ხელფასების 50%-იანი მომატების მოთხოვნა არარეალური და პოპულისტურია.

„თითოეულმა რკინიგზელმა ზედმიწევნით კარგად იცის კომპანიის ფინანსური მდგომარეობა, სიმართლეს არ შეესაბამება განცხადებები, რომ დაახლოებით 4 800 რკინიგზელი გაფიცვისათვის ემზადება", - ნათქვამია განცხადებაში.

კომპანიის ხელმძღვანელობის აზრით, ამ ეტაპზე გაფიცვის არანაირი წინაპირობა არ არის. კომპანიის მენეჯმენტი რეგულარულად ხვდება თანამშრომლებს და შესაძლებლობის ფარგლებში ცდილობს მათი მოთხოვნების დაკმაყოფილებას. 2020 1ლის 1 მარტიდან კომპანია გეგმავს ყველა თანამშრომელს, რომელთა ხელფასიც 1500 ლარს არ აღემატება, ანაზღაურება 10%-ით გაუზარდოს.

ეს კომპანიას წლიურად, დამატებით, 18-20 მილიონი ლარი დაუჯდება. ეს არის მაქსიმუმი, რის გაკეთებაც ამ მომენტში კომპანიას შეუძლია, ნათქვამია განცხადებაში.

როგორც კომპანიაში აღნიშნავენ, გარდა ამისა, უკლებლივ ყველა რკინიგზელი საჩუქრის სახით, წელიწადში 2-ჯერ ფიქსირებულ თანხას მიიღებს.

თემები:
ტრანსპორტი საქართველოში (112)

მთავარი თემები