10:21 24 აგვისტო 2019
პირდაპირი ეთერი
  • EUR3.2365
  • 100 RUB4.4581
  • USD2.9279
ერევანი

უდიდესი ბლექაუტი: სომხეთი ელექტროენერგიის გარეშე დარჩა

CC BY-SA 2.0 / Marco Zanferrari / Yerevan
კავკასია
მოკლე ბმულის მიღება
მსოფლიო დღეს (452)
435 0 0

ელექტროენერგიის მიწოდება შეუწყდა მეტროპოლიტენსაც. გვირაბში გაჩერებული მატარებლებიდან 12 ათასი ადამიანი გამოიყვანეს.

თბილისი, 10ივლისი – Sputnik. სომხეთში მთელი რესპუბლიკის ტერიტორიაზე კვლავ გრძელდება ელექტროენერგიის მიწოდებასთან დაკავშირებული პრობლემები, იუწყება Sputnik-Армения.  

გავრცელებული ინფორმაციით, ამ დროისათვის დარღვეულია მთელი რიგი მნიშვნელოვანი ობიექტების მუშაობა — ბანკების, საავადმყოფოების, რკინიგზისა და სხვ.

ელექტროენერგიის მიწოდება შეუწყდა მეტროპოლიტენსაც. გვირაბში გაჩერებული მატარებლებიდან 12 ათასი ადამიანი გამოიყვანეს.

დაშავებულების თაობაზე ინფორმაცია არ ვრცელდება.  

ხელისუფლებაში აცხადებენ, რომ პრობლემები ენერგოქსელში ძაბვის ვარდნამ შექმნა.

სომხეთის ჯანდაცვის მინისტრმა არსენ ტოროსიანმა მოქალაქეებს ელექტროენერგიის ეკონომიურად ხარჯვისკენ მოუწოდა.

„გთხოვთ, მაქსიმალურად ეკონომიურად გამოიყენოთ ენერგია, რათა ის უმნიშვნელოვანეს ობიექტებს ეყოს. გამორთეთ ზედმეტი შუქი და კონდიციონერები“, — დაწერა ტოროსიანმა საკუთარ ფეისბუქ-გვერდზე.    

გაუმართაობის აღმოსაფხვრელად ხელისუფლება და საავარიო სამსახურები გაძლიერებულ რეჟიმში მუშაობენ. ელექტროენერგიის მიწოდება, სავარაუდოდ, დღეს, საღამოს 19:00 საათისთვის აღდგება.

ავარიის მიზეზებს სპეციალური ჯგუფი შეისწავლის.

გამოცემის ინფორმაციით, იმ შემთხვევაში, თუ ელექტროენერგიაში დეფიციტი შეიქმნა, გაიზრდება ირანიდან და საქართველოდან მიწოდებები. მეზობელი ქვეყნები დროებითი პრობლემების დროს რეგულარულად აწვდიან ერთმანეთს ელექტროენერგიას. 

თემები:
მსოფლიო დღეს (452)

მთავარი თემები