01:01 20 ოქტომბერი 2018
პირდაპირი ეთერი
  • EUR3.0921
  • 100 RUB4.1098
  • USD2.6972
საბრძოლო მოქმედებები მთიან ყარაბახში

Sputnik-ის ჟურნალისტები ყარაბახში დაბომბვაში მოყვნენ

МО НКР
კავკასია
მოკლე ბმულის მიღება
მთიან ყარაბაღში სიტუაცია გამწვავდა (24)
2101

საარტილერიო ჭურვები ყარაბახის ქალაქ მარდაკერტში ფეთქდება, ფრონტის ხაზიდან 2,5 კილომეტრში.

თბილისი, 3 აპრილი — Sputnik. როგორც კი "Sputnik არმენიას" პორტალის ჟურნალისტები მარდაკერტის რაიონულ ცენტრში შევიდნენ, ქალაქის ცენტრში რამოდენიმე ჭურვი აფეთქდა. საბედნიეროდ, არავინ არ დაშავებულა.

მარდაკერტის რაიონის ადმინისტრაციის ხელმძღვანელი ვლადიკ ხაჩატრიანი რაიონის სამოქალაქო თავდაცვასაც ხელმძღვანელობს. ადმინისტრაციის უფროსი ამტკიცებს, რომ სროლა აღმოსავლეთი მხრიდან მიმდინარეობს. მისი სიტყვებით, დაბომბვა რეაქტიული დანადგარებიდან თითქმის მუდმივად მიმდინარეობს. 

ხაჩატრიანს სამოქმედო გეგმა აქვს შემუშავებული, რომლის მთავარი ამოცანაა მოსახლეობის გადარჩენა.

„მარდაკერტი, ასევე სოფლები ტალიში და მადაგისი ფრონტის ხაზთან ძალიან ახლოს არიან-2,5 კმ-ში, მოსახლეობას შეიძლება საფრთხე შეექმნას, რაც მოხდა კიდეც. ჯერ გრადის ტიპის დანადგარებიდან ცეცხლი სოფელ ტალიშს გაუხსნეს, შემდეგ კი სოფელ მადაგისს“, — თქვა მან.

ბავშთა ევაკუაცია  ისეთ ადგილებში განხორციელდა, რომლებიც ფრონტის ხაზიდან შორს მდებარეობენ. მიუხედავად მიღებული ზომებისა, დაბომბვისას სამი ადამიანი დაიჭრა.

ადგილობრივი მოსახლეობა ბრძანებას ელოდება, რომ დაეხმაროს თავდაცვის ჯარს, თუ ეს საჭირო გახდება. სიტუაცია ძალიან რთულია.

უკანასკნელი დღე-ღამის განმავლობაში ქალაქის მიმართულებით 25 ჭურვი გაისროლეს. Sputnik-ის კორესპონდენტებმა ჭურვის 15 აფეთქება გაიგონეს. დიდი ზარალი მიიღო მარდაკერტის სკოლამ. მარდაკერტის საავადმყოფო მუშაობის გაძლიერებულ რეჟიმზეა გადასული.

Sputnik-ის ჟურნალისტები არ დაშავებულან.

თემები:
მთიან ყარაბაღში სიტუაცია გამწვავდა (24)

მთავარი თემები