თბილისი, 1 მაისი — Sputnik. სამართალდამცველებმა ბათუმში ინტერპოლით ძებნილი თურქეთის მოქალაქე დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.
42 წლის მამაკაცი თურქეთის სამართალდამცავი ორგანოების მოთხოვნის საფუძველზე ჯანმრთელობის განზრახ მძიმე დაზიანებისა და მკვლელობის ფაქტებზე ინტერპოლის წითელი ცირკულარით იძებნებოდა.
უწყების ცნობით, ამჟამად დაკავებულის მიმართ კანონით გათვალისწინებული საექსტრადიციო პროცედურები მიმდინარეობს.