თბილისი, 17 იანვარი — Sputnik. რუსეთის მოქალაქეები საქართველოში 2023 წელს შემომსვლელთა მეოთხედზე მეტს შეადგენენ, ნათქვამია საქართველოს შსს-ს მასალებში.
უწყების მონაცემებით, 2023 წლის 1 იანვრიდან 31 დეკემბრის ჩათვლით პერიოდში დაფიქსირდა უცხოელების საქართველოში 7.157.742 შემოსვლა.
ამასთან, ტრანზიტული შემოსვლა წელიწადში არის 1,3 მილიონი, ხოლო გასვლა 24 საათზე ნაკლები დროით - 1,6 მლნ.
უცხოეთის მოქალაქეების გასვლის რაოდენობა ამავე პერიოდში არის 7.150.709.
2023 წელს საქართველოში შემოსვლითა და გასვლის რაოდენობით რუსეთის მოქალაქეები ლიდერობენ. რუსეთის მოქალაქეებმა საქართველოს საზღვარი შემოსვლისას გადაკვეთეს 1,85 მილიონჯერ, ხოლო გასვლისას - 1,86 მილიონჯერ.
ქვეყნების ტოპ-5, რომელთა მოაქალაქეებმა 2023 წელს საქართველოს საზღვარი გადმოკვეთეს
ქვეყანა | შემოსვლა | გასვლა |
რუსეთი | 1.856.217 | 1.862.078 |
თურქეთი | 1.577.439 | 1.558.556 |
სომხეთი | 1.276.420 | 1.270.571 |
ევროკავშირის ქვეყნები | 451.024 | 448.875 |
ისრაელი | 251.579 | 251.323 |
სახმელეთო გზა საქართველოში
შემოსული უცხოელების რაოდენობის გარდა, საქართველოს შსს ასევე აფიქსირებს შემომსვლელ და გამსვლელ ავტომობილებს.
ყველაზე პოპულარული სახმელეთო საკონტროლო-გამშვები პუნქტია „ყაზბეგი". საქართველოს რუსეთთან საზღვრის გავლით ბოლო წელიწადს შემოვიდა 345,4 ათასი მსუბუქი ავტომობილი, 195,6 ათასი სატვირთო, 9,4 ათასი ავტობუსი, 1,8 ათასი მოტოციკლი და 105,4 ათასი ტრაილერი.
მეორე ადგილზეა საკონტროლო-გამშვები პუნქტი „სარფი" საქართველო-თურქეთის საზღვარზე. ამ პუნქტის გავლით 2023 წელს შემოვიდა 208,6 ათასი მსუბუქი ავტომობილი, 221 ათასი სატვირთო, 12,4 ათასი ავტობუსი, 2,2 ათასი მოტოციკლი და 210,8 ათასი ტრაილერი.
მესამე ადგილზე საქართველო-სომხეთის საზღვარზე პუნქტი „სადახლო, რომლის გავლითაც საქართველოში შემოვიდა 388 ათასი მსუბუქი ავტომობილი, 93,1 ათასი სატვირთო, 9,6 ათასი ავტობუსი, 723 მოტოციკლი და 41,9 ათასი ტრაილერი.