სააკაშვილის სასამართლო: ექს–პრეზიდენტი ხამაღალი პოლიტიკური განცხადებებით გამოვიდა

თბილისი, 20 ნოემბერი – Sputnik. თბილისის საქალაქო სასამართლოში საქართველოს ყოფილი პრეზიდენტის, მსჯავრდებული მიხეილ სააკაშვილის სასამართლო პროცესი გაიმართა სახელმწიფო სახსრების პირადი საჭიროებისთვის გაფლანგვის საქმეზე, რომელიც ექს–პრეზიდენტმა ტრადიციულად, ხმამაღალი განცხადებებისთვის გამოიყენა.

საქმე ეხება 2009-2012 წლებში საბიუჯეტო ხარჯების მანამდე გასაიდუმლოებულ ნაწილს. სააკაშვილს ბრალად ედება 8,8 მილიონ ლარზე მეტი თანხის გაფლანგვა.

როგორც პროცესის დაწყებამდე ადვოკატმა ბექა ბასილაიამ განაცხადა, დაცვის მხარემ მოწმის სახით სახელმწიფო დაცვის სპეციალური სამსახურის ყოფილი უფროსი თემურ მრებრიშვილი გამოიძახა, თუმცა მან სხდომაზე მისვლა სამსახურებრივი მიზეზების გამო ვერ მოახერხა.

სხდომის დასაწყისში თბილისის საქალაქო სასამართლოს მოსამართლემ ბადრი კოჭლამაზაშვილმა მთავარ ფიგურანტს სხდომაში დისტანციურად ჩართვა შესთავაზა კლინიკა „ვივამედიდან“, სადაც ის 2022 წლის მაისიდან იმყოფება.

თავისი სიტყვა სააკაშვილმა პოლიტიკურ განცხადებებს მიუძღვნა. თავის გამოსვლაში მან მოქმედი პრეზიდენტი სალომე ზურაბიშვილი მისი განცხადებების გამო შეაქო. როგორც სააკაშვილმა აღნიშნა, ზურაბიშვილს ჰყოფნის გამბედაობა აქტიური ქმედებებისთვის და ის დიდი საერთაშორისო მხარდაჭერით სარგებლობს.

ამასთან, ექს–პრეზიდენტმა განაცხადა, რომ ზურაბიშვილის შემცვლელი უკვე მოამზადეს პრეზიდენტის პოსტზე – კულტურის მოქმედი მინისტრი თეა წულუკიანი, ხოლო პრემიერ–მინისტრის პოსტზე მმართველი პარტია „ქართული ოცნება – დემოკრატიული საქართველოს“ გენერალური მდივანი, თბილისის მერი კახა კალაძე.

„წულუკიანი სჭირდებათ, რათა არასდროს არავინ დაპატიმრებული არ გამოუშვას, ჩემი ჩათვლით. თქვენც გემუქრებიან პატიმრობით“, – განაცხადა სააკაშვილმა.

ის ასევე შეეხო მისი ოპოზიციიდან პრემიერობის კანდიდატად წარდგენის საკითხს და აღნიშნა, რომ ეს მრავალ ფაქტორზეა დამოკიდებული.

„კიდევ რამდენიმე თვე უნდა შევხედოთ სიტუაციას, რა თქმა უნდა, ვიპოვოთ ოპტიმალური კანდიდატი, მაქსიმალურად დიდი რაოდენობის ხალხისთვის მისაღები, იმიტომ, რომ ჩვენ მივდივართ გამარჯვებისთვის და არა, საპატიო მეორე ადგილისთვის“, – განაცხადა სააკაშვილმა.

ამასთან, მან აღნიშნა, რომ თავის თავზე იღებს მის მიერ დაარსებული „ერთიანი ნაციონალური მოძრაობის“ კოორდინაციასა და ხელმძღვანელობას. მისი თქმით, აუცილებელია საერთო ენის გამონახვა და სწრაფი ტემპებით წინსვლა.

„ნაციონალურ მოძრაობაში“ კონფლიქტზე ჯერ კიდევ 2021 წელს ალაპარაკდნენ, როდესაც საქართველოში მიხეილ სააკაშვილი დაბრუნდა და ის დააპატიმრეს. 2023 წელს შიდაპარტიული არჩევნები მოიგო ლევან ხაბეიშვილმა, რომელიც მელიას სააკაშვილის გასათავისუფლებლად პასიურ ბრძოლაში ადანაშაულებდა. მელია, თავის მხრივ, ხაბეიშვილს ყოფილი ძალოვნების ვანო მერაბიშვილისა და დავით კეზერაშვილის ხელში მარიონეტს უწოდებს.

„ნაციონალურიმოძრაობის“ ცნობილმა წევრებმა, მათ შორის ეკა ხერხეულიძემ, აკაკი მინაშვილმა, გიორგი კირთაძემ, მანამდე უარი თქვეს პარტიის ახალ პოლიტსაბჭოში გაწევრიანებაზე და მისი ლეგიტიმაცია ეჭვქვეშ დააყენეს. საქმე ისაა, რომ პოლიტსაბჭოს უფლებამოსილება მარტში იწურებოდა, მაგრამ პარტიის ახალი პოლიტსაბჭო ჯერ კიდევ თებერვლის დასაწყისში აირჩიეს და ელექტრონული არჩევნების ნაცვლად, ხერხეულიძის თქმით, გამოიგონეს კვოტები საკუთარი სურვილით.

მაშინ პარტიის ახლადარჩეულმა თავმჯდომარემ განაცხადა, რომ გადაწყვეტილებები მიღებულ იქნა დაჩქარებული წესით, რათა პარტიას შეძლებოდა ფუნქციონირების გაგრძელება და, მათ შორის, ბიუროკრატიული პრობლემები არ შექმნილიყო.

როდესაც სააკაშვილი განცხადებებით გამოდიოდა, სასამართლო დარბაზში მას „ნაცმოძრაობის“ ამჟამინდელი ლიდერი ლევან ხაბეიშვილი უსმენდა. მოგვიანებით მან განაცხადა, რომ ყველა განცხადება, რაც „ნაცმოძრაობის მხრიდან კეთდება, სააკაშვილთან შეთანხმებულია.

„ამ პარტიის მთავარილიდერი არისპრეზიდენტი სააკაშვილი. როდესაც თავმჯდომარისარჩევნებში მონაწილეობასვიღებდი, მხოლოდიმ პირობებში, როდესაც სააკაშვილიტყვეობაშია. ამადამიანმა დღესხაზი კიდევერთხელ გაუსვა, რომ ერთობამნიშვნელოვანია. სააკაშვილმაღიად თქვა, რომ ისუხელმძღვანელებს პოლიტიკურსაბჭოს“, – განაცხადა ხაბეიშვილმა.

თავის მხრივ, „ნაცმოძრაობის“ დეპუტატმა თინა ბოკუჩავამ განაცხადა, რომ სააკაშვილი ყოველთვის იყო, არის და იქნება გამაერთიანებელი პოლიტიკური ფიგურა.

შიდაპარტიული კონფლიქტის ფონზე „ერთიანმა ნაციონალურმა მოძრაობამ" დაიწყო როგორც მხარდამჭერების დაკარგვა, რასაც სხვადასხვა რეიტინგი მოწმობს, ისე ოპოზიციონერი მოკავშირეების. პარტიების უმეტესობა, რომლებიც „ნაციონალურ მოძრაობასთან" თანამშრომლობდნენ მელიას თავმჯდომარეობის პერიოდში, დღეს ამ ძალასთან კოალიციას გამორიცხავს.

სააკაშვილი საქართველოში უკრაინიდან არალეგალურად 2021 წლის 29 სექტემბერს დაბრუნდა. ის 1 ოქტომბერს თბილისში დააკავეს. მას უკვე მისჯილი აქვს 6 წლით თავისუფლების აღკვეთა დეპუტატ ვალერი გელაშვილის ცემისა და სანდრო გირგვლიანის მკვლელობაში მსჯავრდებულების შეწყალების საქმეებზე.

გარდა სახელმწიფო სახსრების გაფლანგვის საქმის, თბილისის საქალაქო სასამართლო მის წინააღმდეგ კიდევ ორ საქმეს განიხილავს – საზღვრის უკანონო გადმოლახვა და 2007 წლის 7 ნოემბრის აქციის დარბევა.

სააკაშვილის წინააღმდეგ ბრალდება ეხება 2009-2012 წლებში საბიუჯეტო სახსრების ადრე გასაიდუმლოებულ ნაწილს.

ბრალდება სააკაშვილს, რომელმაც სამშობლო 2013 წელს ახალი პრეზიდენტის გიორგი მარგველაშვილის ინაუგურაციის მერე მალევე დატოვა, 2014 წელს დაუსწრებლად წაუყენეს.

მაშინ საქართველოს მთავარმა პროკურატურამ გაავრცელა განცხადება, რომელშიც დეტალურად არის გაწერილი სააკაშვილის ხარჯები და მას თან ახლავს ქვითრების ქსეროასლები.

საქმის მასალებიდან ირკვევა, რომ 2009 წლის აპრილში სააკაშვილმა პირადი მიზნებისთვის სახელმწიფო დაცვის სპეციალური სამსახურის სახსრების დახარჯვა გასაიდუმლოებული ფორმით გადაწყვიტა. მანამდე პრეზიდენტის ხარჯები საჯარო იყო და ფინანსდებოდა პრეზიდენტის ადმინისტრაციისა და სახელმწიფო უზრუნველყოფის სააგენტოს სახსრებიდან.

გამოძიების მონაცემებით, დანაშაულებრივი გეგმის განხორციელება დავალებული ჰქონდა სახელმწიფო დაცვის სპეციალური სამსახურის უფროსს თემურ ჯანაშიას, რომელიც დღეს ასევე განსასჯელთა სკამზეა.

პროკურატურამ თვალსაჩინოებისთვის დეტალურად წარმოადგინა სააკაშვილის ხარჯების ნაწილი:

ბრალის დამტკიცების შემთხვევაში სააკაშვილს 7-დან 11 წლამდე პატიმრობა ელოდება.