ამიერკავკასიას ხანგრძლივი მშვიდობა სჭირდება - სომხეთის პრემიერი

„გზები ჩვენს მეზობელ ორ ქვეყანასთან დაკეტილია, რაც აშკარად მიუთითებს სირთულეებზე ურთიერთობებში. მაგრამ აქ არ მოვსულვარ რთულ ურთიერთობებზე სასაუბროდ. აქ ვარ იმიტომ, რომ განვაცხადო – მშვიდობის გარეშე ნებისმიერი გზის შენება იქნება ძალიან რთული. ასევე ნათელია, რომ ჩვენი რეგიონი, ამიერკავკასია ხანგრძლივ მშვიდობას საჭიროებს“, – განაცხადა ფაშინიანმა.

„სწორედ ამიტომ შეიმუშავა სომხეთის მთავრობამ "მშვიდობის გზაჯვარედინის" პროექტი, რომლის მიზანია, განვითარდეს კომუნიკაცია სომხეთს, აზერბაიჯანს, თურქეთს, ირანსა და რეგიონის სხვა ქვეყნებს შორის სხვადასხვა საგზაო ინფრასტრუქტურის, ნავთობგადამტანი, ელექტორგადამცემი ხაზების მოდერნიზაციითა და აშენებით", – განაცხადა ფაშინიანმა.

„რამდენიმე გზა, რომელიც აკავშირებს აღმოსავლეთსა და დასავლეთს, ასევე ძალიან მნიშვნელოვანია, და ამ გზების გააქტიურება იქნება მოკლე და ეფექტური გზა კასპიისა და ხმელთაშუა ზღვების დასაკავშირებლად", – განაცხადა ფაშინიანმა.

„აქვე ვიტყვი, რომ უახლოეს პერიოდში სპეციალური ერთეული ჩამოყალიბდება სომხეთის სამართალდამცველი სტრუქტურის ფარგლებში, რომელიც უფლებამოსილი იქნება საერთაშორისო კომუნიკაციების უსაფრთხოებაზე, რომელიც გაივლის სომხეთს, იქნება ეს სატრანსპორტო საშუალებები თუ პირები, ვინც ამ სატრანსპორტო საშუალებებს ატარებენ", – განაცხადა ფაშინიანმა.

„აქვე მინდა ხაზი გავუსვა სომხეთის მზადყოფნას, ხელახლა გახსნას, ააშენოს ან განაახლოს რეგიონული კომუნიკაციები ამ პრინციპებზე დაყრდნობით", – აღნიშნა ფაშინიანმა.

„უახლოეს მომავალში ასევე ოფიციალურად წარმოვადგენთ ამ პროექტს ჩვენი რეგიონის ქვეყნების მთავრობებისთვის და იმედი გვაქვს, რომ ერთობლივი ძალისხმევით, ასევე ინვესტორების ჩართულობით ამ პროექტის განხორციელებას შევძლებთ", – განაცხადა სომხეთის პრემიერმა.

„ამ ეტაპზე ვმუშაობთ შეთანხმების პროექტზე აზერბაიჯანთან მშვიდობისა და ურთიერთობის ნორმალიზაციის უზრუნველსაყოფად. იმედი გვაქვს, რომ ეს პროექტი დასრულდება შემდეგ რამდენიმე თვეში", – აღნიშნა მან.

„სომხეთი და აზერბაიჯანი აღიარებენ ერთმანეთის ტერიტორიულ მთლიანობას... ეს უზრუნველყოფს იმას, რომ ორივე მხარის განცხადებები არ დატოვებს არანაირ სივრცეს საიმისოდ, რომ მეორე მხარემ არ აღიაროს ქვეყნის ტერიტორიული მთლიანობა, გარდა საერთაშორისოდ აღიარებული საზღვრებისა", – განაცხადა ფაშინიანმა.

„აღიარებენ იმ დროისათვის არსებულ ადმინისტრაციულ საზღვრებს, ანუ, საზღვრები, რომლებიც არსებობდა საბჭოთა კავშირის ფარგლებში, ხდება სახელმწიფო საზღვრები. ამ პრინციპებზე დაყრდნობით, იმედი გვაქვს, რომ შემდეგ რამდენიმე თვეში უკვე აზერბაიჯანთან მოვაწერთ ხელს შეთანხმებას მშვიდობაზე და განვაახლებთ ჩვენს ურთიერთობებს", – განაცხადა ფაშინიანმა.