13:34 15 აპრილი 2021
პირდაპირი ეთერი
  • EUR4.1177
  • 100 RUB4.5431
  • USD3.4432
თბილისი
მოკლე ბმულის მიღება
თბილისი დღეს (1971)
97 0 0

დედაქალაქის მერმა ახლო მომავალში მეტროს სადგურ „ვარკეთილის“ რეაბილიტაციის პროექტის წარმოდგენის პირობა დადო.

თბილისი, 26 თებერვალი – Sputnik. საზოგადოებას უახლოეს მომავალში მეტროს სადგურ „ვარკეთილის“ რეაბილიტაციის პროექტის ვიზუალური ნაწილი წარედგინება. თბილისის მერი კახა კალაძე თბილისის მეტროში განხორციელებულ სამუშაოებს პირადად გაეცნო.

მეტროს სადგურ „ვარკეთილში“ 2018 წლის იანვარში უბედური შემთხვევა მოხდა – შეკიდული ჭერი ჩამოვარდა, რის შედეგადაც 14 ადამიანი დაშავდა. მას შემდეგ დედაქალაქის მერია მეტროს ამ სადგურის მოდერნიზაციას გეგმავს.

„ალბათ გახსოვთ „ვარკეთილის“ სადგურში ჭერის ჩამოშლის ფაქტი. ამის შემდეგ ჩვენ მთელი რიგი სამუშაოები გავატარეთ. პირველი, რაც მინდა აღვნიშნო, არის ის, რომ გვირაბი არის მყარი, შესაძლებელია რეაბილიტაციის ჩატარება და ყველაფრის მოწესრიგება“, – განაცხადა თბილისის მერმა.

კალაძის ინფორმაციით, თბილისის მეტროში გასულ წელს ელექტროსისტემის მოდერნიზაციის მასშტაბური ინფრასტრუქტურული პროექტი დასრულდა.

„დავიწყეთ ვაგონების განახლება–რეაბილიტაცია, ასევე შევცვალეთ ძალოვანი კაბელები, რადგან ძალიან მძიმე მდგომარეობაში იყო. დაახლოებით 500 კმ-მდე კაბელები შევცვალეთ. აგრეთვე გამოვცვალეთ გამნიავებელი სისტემა, მთელი აგრეგატები. ახალი ვაგონების შესყიდვაზე, იცით, რომ ვთანამშრომლობთ EBRD-თან და ტენდერი დასასრულს უახლოვდება“, – განაცხადა კალაძემ.

დედაქალაქის მერი თბილისის მოსახლეობას კიდევ ერთხელ დაჰპირდა, რომ მეტროთი მგზავრობა სამომავლოდ კიდევ უფრო კომფორტული გახდება.

კალაძე: მოხდება მეტროს სადგურ „ვარკეთილის“ მოდერნიზაცია>>

ამჟამად თბილისის მეტროპოლიტენი ორ ხაზზე – ახმეტელი-ვარკეთილის და საბურთალოს ხაზებზე 23 სადგურს ითვლის. მეტროს ხაზების საერთო სიგრძეა 57 კილომეტრი. აქედან პირველი ხაზი 40 კილომეტრია, ხოლო მეორე – 17 კილომეტრი.

თემები:
თბილისი დღეს (1971)

მთავარი თემები