18:12 23 ოქტომბერი 2019
პირდაპირი ეთერი
  • EUR3.3106
  • 100 RUB4.6653
  • USD2.9710
ძველი თბილისი

გუდიაშვილის მოედანზე კიდევ 12 შენობას ჩაუტარდება რეაბილიტაცია

© photo: Sputnik / Alexander Imedashvili
თბილისი
მოკლე ბმულის მიღება
თბილისის მერია (97)
60 0 0

თბილისის მერმა მადლობა გადაუხადა როგორც ქვეყნის პრემიერ-მინისტრს – მიღებული გადაწყვეტილებისთვის, ისე პროექტში ჩართულ ხელოვნებათმცოდნეებსა და არქეოლოგებს.

თბილისი, 19 სექტემბერი — Sputnik. თბილისის მერმა კახა კალაძემ საქართველოს მთავრობას გუდიაშვილის მოედნის რეაბილიტაციის პროექტის მეორე ეტაპის სამუშაოები წარუდგინა, ნათქვამია დედაქალაქის მერიის ოფიციალურ გვერდზე. 

კალაძის თქმით, სულ იგეგმება 26 შენობა-ნაგებობის რეაბილიტაცია, რომელთაგან 22 კულტურული მემკვიდრეობის ძეგლია.

„ჩვენ გუდიაშვილის მოედნის რეაბილიტაცია გასულ წელს დავიწყეთ. დაახლოებით 14 შენობა-ნაგებობის რეაბილიტაცია მიმდინარეობს. მათ კიდევ დაემატა 12 შენობა-ნაგებობა. 26 შენობიდან, რომელზეც მე ვსაუბრობ, 22 კულტურული მემკვიდრეობის ძეგლია“, — აღნიშნა კალაძემ მასმედიასთან საუბრისას.

თბილისის მერმა ჟურნალისტებთან ძველი თბილისის რეაბილიტაციის მნიშვნელობაზე ისაუბრა და მადლობა გადაუხადა როგორც ქვეყნის პრემიერ-მინისტრს – დაფინანსებასთან დაკავშირებით მიღებული გადაწყვეტილებისთვის, ისე პროექტში ჩართულ ხელოვნებათმცოდნეებსა და არქეოლოგებს.

კახა კალაძის თქმით, რეაბილიტაციის მეორე ეტაპის სამუშაოები, სავარაუდოდ, 2020 წლის შემოდგომისთვის დასრულდება და „გუდიაშვილის მოედნის სახით დედაქალაქს კიდევ ერთი ღირსშესანიშნავი ადგილი შეემატება“.

გუდიაშვილის მოედნის სარეაბილიტაციო სამუშაოები თბილისის განვითარების ფონდმა 2018 წლის გაზაფხულზე პროექტ „ახალი ტფილისის“ მსხვილი არეალების რეაბილიტაციის პროგრამის ფარგლებში დაიწყო.

 

თემები:
თბილისის მერია (97)

მთავარი თემები