21:48 04 აგვისტო 2020
პირდაპირი ეთერი
  • EUR3.6021
  • 100 RUB4.1678
  • USD3.0719
თბილისი
მოკლე ბმულის მიღება
99 0 0

პროექტის მიზანი კერძებისა და სასმელების მწარმოებელი ადგილობრივი მეწარმეების/ფიზიკური პირების ხელშეწყობა და მათი პროდუქციის პოპულარიზაციაა.

თბილისი, 28 აგვისტო – Sputnik. თბილისის ქუჩებში 14 და 15 სექტემბერს გასტრონომიული ფესტივალი „დააგემოვნე თბილისის ქუჩებში“ (Taste Tbilisi Street Food) გაიმართება, ნათქვამია ორგანიზატორების მიერ გავრცელებულ განცხადებაში.

ფესტივალი ორი დღის განმავლობაში თბილისის ცენტრში, ორბელიანის მოედანზე გაიმართება. Taste Tbilisi Street Food-ის ორგანიზატორი თბილისის მერიას დაქვემდებარებული ქალაქის ეკონომიკური განვითარების სამსახურია.

„ქუჩის საკვები და სწრაფი კვების ფესტივალები საუკეთესო საშუალებაა გასტრონომიული აღმოჩენებისთვის და, შესაბამისად, ბოლო წლების განმავლობაში უფრო და უფრო მეტი მომხმარებელი ჰყავს. ჩვენც ვუერთდებით მსოფლიო ტრენდს და გთავაზობთ გამორჩეულ, თბილისურ „სტრიტ ფუდ” მარკეტს“, – აღნიშნულია ორგანიზატორების განცხადებაში.

ფესტივალზე სტუმრებს სწრაფი კვების ობიექტები, მზარეულები და სხვა საკვები თუ სასმელი პროდუქტების მწარმოებლები მონო–მენიუებით გაუმასპინძლდებიან.

პროექტის მიზანი კერძებისა და სასმელების მწარმოებელი ადგილობრივი მეწარმეების/ფიზიკური პირების ხელშეწყობა და მათი პროდუქციის პოპულარიზაციაა.

მთავარი თემები