თბილისი, 13 ივლისი - Sputnik. შშმ პირთათვის გამოყოფილი საპარკინგე ადგილით არაუფლებამოსილი პირის სარგებლობაზე ჯარიმა დღეიდან გაიზარდა, იუწყება ტელეკომპანია Imedi.
გავრცელებული ინფორმაციით, საპარკინგე ადგილზე არაუფლებამოსილი პირის პარკირება 10 ლარის ნაცვლად 50 ლარი გახდება.
ჯარიმების გადაუხდელობის შემთხვევაში, პირს 150-ლარიანი საურავი დაერიცხება. აქედან 30 დღის ვადაში ჯარიმისა და საურავის გადაუხდელობის შემთხვევაში კი, ავტოსატრანსპორტო საშუალების რეალიზება განხორციელდება.
1 აგვისტოდან ამოქმედდება ზონალურ-საათობრივი პარკირების სისტემა კოტე აფხაზის ქუჩაზე და მის მიმდებარე ქუჩებზე. აღსანიშნავია, რომ შშმ პირის საცნობი ნიშნის მქონე ავტომობილებისთვის გაჩერება უფასო იქნება.