01:44 22 მაისი 2019
პირდაპირი ეთერი
  • EUR3.0848
  • 100 RUB4.2905
  • USD2.7676
სამშენებლო მასალების ბაზრობა ელიავაზე

თბილისში ერთ თვეში შვიდი ათასზე მეტი გაზდანადგარი ჩახსნეს

© Sputnik / Levan Avlabreli
თბილისი
მოკლე ბმულის მიღება
თბილისი დღეს (1060)
108 0 0

გაფრთხილების მიუხედავად, თბილისელები კუსტარულად დამონტაჟებული გაზდანადგარებით სარგებლობას აგრძელებენ

თბილისი, 12 მაისი — Sputnik. გაზგამანაწილებელი კომპანია „ყაზტრანსგაზის“ თანამშრომლებმა უსაფრთხოების წესების დაცვაზე აბონენტების განმეორებითი შემოწმება დაიწყეს და კვლავ დარღვევები აღმოაჩინეს, განუცხადეს კომპანიის პრესსამსახურში „Sputnik-საქართველოს“.

შემოწმება ჩაუტარდა იმ აბონენტებს, რომლებსაც თავის დროზე კუსტარულად დამონტაჟებული ღია წვის კამერიანი წყლის გამაცხელებლები უკვე ჩაუხსნეს.

აღმოჩნდა, რომ უმრავლესობამ თვითნებურად კვლავ დააერთა აკრძალული გაზდანადგარები, რითაც როგორც თავიანთი ოჯახების წევრების, ისე მეზობლების სიცოცხლე საფრთხეში ჩააგდეს.

სტატისტიკის თანახმად, აპრილში ყველაზე მეტი დარღვევა დაფიქსირდა ისანი-სამგორის, დიდუბე-ჩუღურეთის და გლდანი-ნაძალადევის რაიონებში.

მხოლოდ აპრილში სპეციალისტებმა ქსელიდან ჩახსნეს 7 281 კუსტარულად დამონტაჟებული ღია წვის კამერიანი გამათბობელი და „კალონკა“.

გაზდანადგარების ექსპლუატაციის დროს უსაფრთხოების პრობლემა განსაკუთრებით აქტუალური ბოლო თვეებში გახდა, როდესაც თბილისში ადამიანების დაღუპვის ფაქტები გახშირდა.

მიმდინარე წლის იანვრის შუა რიცხვებში ბუნებრივი აირის გაჟონვის შედეგად დიდ დიღომში მრავალსართულიან კორპუსში აფეთქება მოხდა, დაიღუპა ოთხი ადამიანი, მათ შორის ერთი ბავშვი. 31 იანვარს ისანში მხუთავი აირით გამოწვეული ინტოქსიკაციით შვიდი ადამიანი დაიღუპა.

თემები:
თბილისი დღეს (1060)

მთავარი თემები