დიდთოვლობა, დაბალი ტემპერატურა, მდინარის ადიდება - საქართველოს გზებზე შეზღუდვები დაწესდა

© Courtesy of Roads Department of Georgiaთოვლი გზებზე
თოვლი გზებზე - Sputnik საქართველო, 1920, 21.11.2026
გამოწერა
საქართველოში ამინდი 20 ნოემბერს საღამოს გაუარესდა
თბილისი, 21 ნოემბერი - Sputnik. ამინდის გაუარესების გამო საქართველოს გზების გარკვეულ მონაკვეთებზე შეზღუდვები დაწესდა. ინფოემაციას საავტომობილო გზების დეპარტამენტი ავრცელებს.
თოვის და დაბალი ტემპერატურის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის 93-107-ე კმ (გუდაური(ფოსტა)–კობი) მონაკვეთზე დროებით აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.
საავტომობილო გზის დანარჩენ მონაკვეთებზე საგზაო მოძრაობა თავისუფალია.
შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 17-18-ე კმ მონაკვეთზე, ძლიერი წვიმის შედეგად, მდინარე რიონის ადიდების გამო დროებით იკრძალება მსუბუქი ავტოტრანსპორტის მოძრაობა, ხოლო ორი და მეტი წამყვანი ხიდის მქონე და დანარჩენი სახის ავტოტრანსპორტის მოძრაობა თავისუფალია.
დღეს დილიდან დიდთოვლობის გამო ყველა სახის ავტოტრანსპორტის მოძრაობა აიკრძალა შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის 125-151-ე კმ (მელე-ლასდილი) და შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 181-189-ე კმ (უშგული-ლასდილი) საუღელტეხილო მონაკვეთებზეც.
გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ საქართველოში 21 ნოემბრის დღის ბოლოდან 22 ნოემბრის დღის მეორე ნახევრამდე მოსალოდნელია ნალექი, დროგამოშვებით ძლიერი ინტენსივობით.
ყველა ახალი ამბავი
0