ვინ ჩავიდა საქართველოდან მოსკოვისა და სრულიად რუსეთის პატრიარქ კირილეს იუბილეზე?

© photo: Sputnikმოსკოვისა და სრულიად რუსეთის პატრიარქი კირილე
მოსკოვისა და სრულიად რუსეთის პატრიარქი კირილე - Sputnik საქართველო, 1920, 20.11.2026
გამოწერა
20 ნოემბერს პატრიარქი კირილე 80 წლის იუბილეს აღნიშნავს.
თბილისი, 20 ნოემბერი — Sputnik. საქართველოს საპატრიარქოს დელეგაცია უკვე მოსკოვში იმყოფება, რათა მონაწილეობა მიიღოს მოსკოვისა და სრულიად რუსეთის პატრიარქ კირილეს დაბადების დღისადმი მიძღვნილ ღონისძიებებში.
რუსეთის პატრიარქი 20 ნოემბერს 80 წლის იუბილეს აღნიშნავს. ქართული დელეგაცია, სხვადასხვა ადგილობრივი ეკლესიების დელეგაციებთან და ეკლესიის მეთაურებთან ერთად პატრიარქ კირილეს მისალოცად ეწვევა.
საპატრიარქოს ინფორმაციით, მოსკოვში იმყოფება პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე), საგარეო ურთიერთობების სამსახურის ხელმძღვანელი, ზუგდიდისა და ცაიშის მიტროპოლიტი გერასიმე (შარაშენიძე), გორისა და ატენის მიტროპოლიტი ანდრია (გვაზავა), ნიკორწმინდის ეპისკოპოსი ვახტანგი(ლიპარტელიანი), პროტოპრესვიტერი გიორგი ზვიადაძე.
© photo: Sputnik / Ilya Pitalev / გადასვლა მედიაბანკშიპატრიარქი კირილე
Рождество Христово. Патриаршая литургия в храме Христа Спасителя  - Sputnik საქართველო, 1920, 20.11.2026
პატრიარქი კირილე
პატრიარქი კირილე (ერისკაცობაში — ვლადიმირ მიხაელის ძე გუნდიაევი) 1946 წლის 20 ნოემბერის ლენინგრადში დაიბადა.
2008 წლის 6 დეკემბერს ალექსი II-ის გარდაცვალებიდან მეორე დღეს რუსეთის წმინდა სინოდმა კირილე პატრიარქის მოვალეობის დროებით შემსრულებლად დანიშნა.
2009 წლის 27 იანვარს 700-დან 508 ხმით წმინდა სინოდმა აირჩია მოსკოვისა და სრულიად რუსეთის პატრიარქად; 2009 წლის 1 თებერვალს შედგა ინტრონიზაცია.
ყველა ახალი ამბავი
0