უახლოეს დღეებში საქართველოში ამინდი გაუარესდება

© Sputnik / Alex Shlamovთოვლი
თოვლი - Sputnik საქართველო, 1920, 20.11.2026
გამოწერა
სააგენტოს ცნობით, მაღალ მთაში ძლიერი თოვის, ქარბუქის და ხილვადობის გაუარესების გამო შესაძლებელია შეიზღუდოს ტრანსპორტის მოძრაობა.
თბილისი, 20 ნოემბერი - Sputnik. საქართველოში 20-23 ნოემბერს ნალექიანი ამინდია მოსალოდნელი, მთიან რეგიონებში შესაძლებელია თოვლი და ქარბუქი, ამის შესახებ ინფორმაციას გარემოს ეროვნული სააგენტო ავრცელებს.
სინოპტიკოსების პროგნოზით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ საქართველოში 21 ნოემბრის დღის ბოლოდან 22 ნოემბრის დღის მეორე ნახევრამდე მოსალოდნელია ნალექი, დროგამოშვებით ძლიერი ინტენსივობით.
შესაძლებელია ელჭექი, სეტყვა, ქარის გაძლიერება, 22 ნოემბერს მაღალ მთაში ზოგან – ძლიერი თოვა, ქარბუქი და ნისლი, ზღვაზე 4-5-ბალიანი შტორმი.
მოსალოდნელმა ძლიერმა ნალექებმა, შესაძლებელია დასავლეთ საქართველოს მდინარეებზე – წყლის დონეების მნიშვნელოვანი მატება, პატარა მდინარეებზე – წყალმოვარდნები, გორაკ-ბორცვიან და მთიან ზონებში – მეწყრულ-ღვარცოფული პროცესების ჩასახვა-გააქტიურება, ხოლო ურბანულ დასახლებებში ცალკეული ტერიტორიების დატბორვა გამოიწვიოს.
მაღალ მთაში ძლიერი თოვის, ქარბუქის და ხილვადობის გაუარესების გამო შესაძლებელია შეიზღუდოს ტრანსპორტის მოძრაობა.
ყველა ახალი ამბავი
0