მიმდინარეობს მუშაობა ევროპელი მომლაპარაკებლების მოსკოვში ვიზიტზე - რიაბკოვი

© photo: Sputnik / Vitaliy Belousov / გადასვლა მედიაბანკშისერგეი რიაბკოვი
სერგეი რიაბკოვი - Sputnik საქართველო, 1920, 20.11.2026
გამოწერა
სამმხრივი მოლაპარაკებების ახალ რაუნდზე რაიმე დღის წესრიგი ჯერჯერობით არ არსებობს, აღნიშნა რუსეთის დიპლომატმა
თბილისი, 20 ნოემბერი — Sputnik. ევროპელი მომლაპარაკებლების მოსკოვში ვიზიტის საკითხზე მუშაობა მიმდინარეობს, განაცხადა რუსეთის საგარეო საქმეთა მინისტრის მოადგილემ სერგეი რიაბკოვმა.
„პრეზიდენტმა ჩინეთში ყოფნისას გაახმოვანა ჩვენი გადაწყვეტილება, ე.წ. „ევროსამეულის“ წარმომადგენლები მოსკოვში მოვიწვიოთ. ეს არის ის საკითხი, რაც ამჟამად განიხილება და დამუშავების სტადიაშია“, - განუცხადა რიაბკოვმა ჟურნალისტებს.
მისი თქმით, უკრაინასთან დაკავშირებული სამმხრივი მოლაპარაკებების ახალი რაუნდის შესახებ რაიმე ხედვა რუსეთს არ გააჩნია.
„რაც შეეხება სამმხრივ ფორმატს, როგორც ეს პრაქტიკაში გამოიყენებოდა, მათ შორის აბუ-დაბიში ბოლო შეხვედრაზე, რაიმე შესაბამისი შეთანხმებები ან გაგება არ არ არსებობს“, - განაცხადა რიაბკოვმა კითხვაზე პასუხის გაცემისას, მიმდინარეობს თუ არა მზადება უკრაინასთან დაკავშირებული მოლაპარაკებების ახალი რაუნდისთვის.
რუსეთის, აშშ-ისა და უკრაინის დელეგაციებს შორის მოლაპარაკებები 10-11 ნოემბერს აბუ-დაბიში გაიმართა. რუსეთის პრეზიდენტის თანაშემწემ და რუსული დელეგაციის ხელმძღვანელმა, ვლადიმერ მედინსკიმ, განაცხადა, რომ შეხვედრის ცენტრალური თემა ევროპული უსაფრთხოების არქიტექტურა იყო. მან ასევე აღნიშნა, რომ მხარეები შეთანხმდნენ რუსეთსა და უკრაინას შორის პატიმრების ახალ მასშტაბურ გაცვლაზე, რომლის კონკრეტული პირობებიც მალე გახდება ცნობილი.
ყველა ახალი ამბავი
0