ტრაგედია ფონიჭალაში: სახლის ორი აფეთქებული სადარბაზოს დემონტაჟი მოხდება

© photo: Sputnik / Stringerაფეთქება ფონიჭალაში
აფეთქება ფონიჭალაში - Sputnik საქართველო, 1920, 20.11.2026
გამოწერა
მერია აფეთქებული სადარბაზოების მცხოვრებლებს, 143 ადამიანს (28 ოჯახს) ბინებს უქირავებს
თბილისი, 20 ნოემბერი - Sputnik. ქვემო ფონიჭალაში აფეთქებული სადარბაზოების დემონტაჟი განხორციელდება, იმ მობინადრეებისთვის კი, ვინც სხვა სადარბაზოებში ცხოვრობდა, ჩანაცვლების პროგრამაში მონაწილეობას შესთავაზებენ, რათა ახალი სამშენებლო პროექტი განხორციელდეს, განაცხადა თბილისის მერმა კახა კალაძემ.
თბილისის მერის თქმით, თუ იმ ადამიანებსაც ექნებათ სურვილი, რომლებიც დანარჩენ სადარბაზოებში აგრძელებენ ცხოვრებას, მონაწილეობა მიიღონ ჩანაცვლების პროგრამაში, მუნიციპალიტეტი მზად არის, რომ შესაბამისი პროექტი განახორციელოს.
„რაც შეეხება საბოლოო გადაწყვეტას, აუცილებელი მოხდება აღნიშნული სახლის დემონტაჟი და ახალი პროექტის განხორციელება. იმ ადამიანებს, ვინც დანარჩენ, თუ ექნებათ სურვილი, ჩანაცვლების პროგრამაში მიიღონ მონაწილეობა, მუნიციპალიტეტი მზად არის, იქაც შესაბამისი პროექტი განახორციელოს“, - განაცხადა კალაძემ.
მერის თქმით, 28 ოჯახი - 143 ადამიანი - დროებით სასტუმროშია გადაყვანილი. შემდეგ ეტაპზე მერია უქირავებს მათ ბინებს, რომ არანაირი პრობლემები არ შეექმნათ.
კალაძემ დაშავებული ბავშვების მდგომარეობაზეც ისაუბრა. მისი თქმით, ინგოროყვას კლინიკაში მყოფი ორი ბავშვი თავს დამაკმაყოფილებლად გრძნობს. მერმა მათ მალე გამოჯანმრთელება უსურვა და იმედი გამოთქვა, რომ რამდენიმე დღეში ისინი სახლში დაბრუნებას შეძლებენ.
ქვემო ფონიჭალაში, "უსინათლოთა დასახლებაში" მდებარე ხუთსართულიან საცხოვრებელ კორპუსში 19 ნოემბერს, დილით აფეთქება ბუნებრივი აირის გაჟონვის შედეგად მოხდა. აფეთქების შედეგად კორპუსის სადარბაზო ჩამოინგრა. შემთხვევის შედეგად გარდაიცვალა 6 ადამიანი, მათ შორის 2 მცირეწლოვანი. კლინიკაში სხვადასხვა დაზიანებებით 5 ადამიანი გადაიყვანეს.
მომხდარზე დაწყებულია გამოძიება სისხლის სამართლის კოდექსის 240-ე პრიმა მუხლის პირველი ნაწილით, რაც უსაფრთხოების წესის დარღვევით განვითარებულ მოვლენებს გულისხმობს.
ყველა ახალი ამბავი
0