თბილისის რამდენიმე უბანში საახალწლო განათების მონტაჟის გამო ტრანსპორტის მოძრაობა იზღუდება

© photo: Sputnikსაახალწლო ილუმინაციები თბილისში
საახალწლო ილუმინაციები თბილისში - Sputnik საქართველო, 1920, 19.11.2026
გამოწერა
საახალწლო განათებების მონტაჟი ნოემბრის დასაწყისიდან იწყება და დეკემბრის შუა რიცხვებში სრულდება.
თბილისი, 19 ნოემბერი — Sputnik. დედაქალაქის რამდენიმე ლოკაციაზე საახალწლო განათებების მონტაჟის გამო ღამის საათებში ტრანსპორტის მოძრაობაზე შეზღუდვები დაწესდება, ნათქვამია თბილისის მერიის მიერ გავრცელებულ განცხადებაში.
საქალაქო სამსახურები თბილისში საახალწლო ილუმინაციების მონტაჟს ახორციელებენ - საახალწლო განათებების მონტაჟი ნოემბრის დასაწყისიდან იწყება და დეკემბრის შუა რიცხვებში სრულდება. დაგეგმილი სამუშაოების გამო დედაქალაქის მასშტაბით სხვადასხვა მონაკვეთებზე პერიოდულად შეიზღუდება მოძრაობა.
კერძოდ, 20 ნოემბერს, 00:00 საათიდან 06:00 საათამდე შეზღუდვა შეეხება ილია ჭავჭავაძის გამზირისა და ირაკლი აბაშიძის ქუჩის ერთ სამოძრაო ზოლს; მერაბ კოსტავას ქუჩას; ვარკეთილში, სუხიშვილის ქუჩის ერთ სამოძრაო ზოლს (წრიულთან).
„სამუშაოების მიმდინარეობისას ტერიტორია აღჭურვილი იქნება შესაბამისი საგზაო და გამაფრთხილებელი ნიშნებით, ხოლო უსაფრთხოებას დაარეგულირებენ საპატრულო პოლიციის ეკიპაჟები“, - ნათქვამია განცხადებაში.
სამუშაოებს შპს „თბილსერვის ჯგუფის“ გარე განათების საექსპლუატაციო დეპარტამენტი ახორციელებს.
თბილისის მერია შექმნილი დისკომფორტის გამო მოსახლეობას ბოდიშს უხდის.
ყველა ახალი ამბავი
0