ფონიჭალაში საცხოვრებელ კორპუსში აფეთქება მოხდა: დაშავებულია 3 ადამიანი

© video: Sputnik / Stringerპოლიციის ლენტი
პოლიციის ლენტი - Sputnik საქართველო, 1920, 19.11.2026
გამოწერა
უსაფრთხოების მიზნით, სამაშველო ჯგუფებმა კორპუსიდან მოსახლეობის ევაკუაცია განახორციელეს.
თბილისი, 19 ნოემბერი — Sputnik. ფონიჭალაში, ერთ-ერთ საცხოვრებელ კორპუსში აფეთქება მოხდა, დაშავებულია 3 ადამიანი, იუწყება "პირველი არხი".
აფეთქება, სავარაუდოდ, ბუნებრივი აირის გაჟონვის შედეგად მოხდა. ნანგრევებიდან მაშველებმა სამივე პირი კონტაქტურ მდგომარეობაში გამოიყვანეს. ისინი კლინიკაში არიან გადაყვანილები.
შემთხვევა დღეს დილით, დაახლოებით 9:00 საათზე მოხდა. დაზიანებული საცხოვრებელი კორპუსიდან მოსახლეობის ნაწილი უვნებელი გამოიყვანეს.
დამწვრობის ცენტრის ხელმძღვანელის, გუგა ქაშიბაძის განცხადებით, ერთ-ერთი დაშავებულის მდგომარეობა მძიმეა. ის დამწვრობის ცენტრში, რეანიმაციულ განყოფილებაშია მოთავსებული.
შემთხვევის ადგილზე მობილიზებულია მეხანძრე-მაშველები, კინოლოგთა ჯგუფი, ასევე საპატრულო პოლიციის ეკიპაჟები და სასწრაფო სამედიცინო დახმარების ბრიგადები.
აფეთქების მიზეზი ამ დროისთვის უცნობია.
ყველა ახალი ამბავი
0