აფეთქება ფონიჭალაში: ნანგრევებიდან ორი ადამიანის ცხედარი ამოიყვანეს

© Courtesy of Tbilisi City Hall კორპუსი ფონიჭალაში, სადაც აფეთქება მოხდა
კორპუსი ფონიჭალაში, სადაც აფეთქება მოხდა - Sputnik საქართველო, 1920, 19.11.2026
გამოწერა
ამჟამად მაშველები ოთხ ადამიანს ეძებენ, საძიებო-სამაშველო ოპერაცია უკვე 10 საათს გრძელდება
თბილისი, 19 ნოემბერი — Sputnik. მაშველებმა ფონიჭალაში, სადაც აფეთქება მოხდა, ნანგრევებიდან ორი ადამიანის - ქალის და ბავშვის - ცხედარი ამოიყვანეს, იუწყება ტელეკომპანია "პირველი".
ქვემო ფონიჭალაში, "უსინათლოთა დასახლებაში" მდებარე ხუთსართულიან საცხოვრებელ კორპუსში დღეს დილით აფეთქება სავარაუდოდ ბუნებრივი აირის გაჟონვის შედეგად მოხდა. აფეთქების შედეგად კორპუსის სადარბაზო ჩამოინგრა. ამჟამად 4 პირის ძებნა მიმდინარეობს. ნანგრევებიდან მაშველებმა უკვე ხუთი პირი გამოიყვანეს, მათ შორის 2 ბავშვია. ისინი კლინიკაში გადაყვანეს. დაზიანებული საცხოვრებელი კორპუსიდან მოსახლეობის ნაწილი ევაკუირებულია.
ცოტა ხნის წინ მაშველებმა მანგრევებიდან ნცირეწლოვანი გოგონა უვნებლად გადმოიყვანეს. ბავშვი სასწრაფო დახმარების მანქანაში მოათავსეს, ის კლინიკაში შემოწმების მიზნით გადაიყვანეს.
ბოლო ინფორმაციით, კლინიკაში 5 ადამიანია გადაყვანილი, მათგან 2 მცირეწლოვანია.
მერვე საათია ქვემო ფონიჭალაში სამძებრო ოპერაცია მიმდინარეობს - ადგილზე ამ წუთებში მეხანძრე-მაშველები, კინოლოგთა ჯგუფი, ასევე საპატრულო პოლიციის ეკიპაჟები და სასწრაფო სამედიცინო დახმარების ბრიგადები მუშაობენ.
როგორც შემთხვევის ადგილზე მყოფმა შსს მინისტრმა სულხან თამაზაშვილმა განაცხადა, არსებობს კორპუსის ნგრევის რეალური საფრთხე. დაახლოებით ნახევარი საათის წინ კორპუსის საყრდენი კედელი გადმოიხარა, რის გამოც შენობის წინა მხრიდან სამაშველო ღონისძიებები შეჩერდა, თუმცა უკანა პერიმეტრზე შესაბამისი სამუშაოები აქტიურად გრძელდება.
ყველა ახალი ამბავი
0