ერთა ლიგა: საქართველოს ნაკრები უკრაინასთან დამარცხდა

© Georgia national football teamსაქართველოს ნ აკრები
საქართველოს ნ აკრები - Sputnik საქართველო, 1920, 18.11.2026
გამოწერა
B2 ჯგუფის ექვსი ტურის შემდეგ საქართველოს ნაკრებმა გათამაშება ორი ქულით, გატანილი გოლის გარეშე, ბოლო ადგილზე დაასრულა და ანტირეკორდი დაამყარა – გუნდმა არსებობის ისტორიაში პირველად, საკვალიფიკაციო ციკლი ისე ჩაატარა, რომ ერთი გოლიც ვერ გაიტანა.
თბილისი, 18 ნოემბერი — Sputnik. საქართველოს ფეხბურთის ეროვნული ნაკრები 2026/27 წლების ერთა ლიგის ჯგუფური ეტაპის ბოლო მატჩში უკრაინას დაუპირისპირდა და ანგარიშით 0:1 დამარცხდა.
სლოვაკეთის ქალაქ კოშიცეში გამართულ შეხვედრაში უკრაინელებმა ანგარიში 53-ე წამზე გახსნეს - საჯარიმოსთან ახლოს ზურიკო დავითაშვილის გადაცემა დანილო სიკანმა ჩაჭრა და კარში ზუსტად დაარტყა.
რამაზ სვანაძის გუნდი შესვენებამდე აქტიურად უტევდა. ანგარიშის გათანაბრება გიორგი მიქაუტაძემ და გიორგი კვერნაძემ სცადეს, თუმცა უკრაინელთა მეკარე და მცველები საიმედოდ თამაშობდნენ და სახიფათო მომენტებში საფრთხეს ანეიტრალებდნენ.
საქართველოს ნაკრებმა შეტევაში მწვავედ თამაში ვერც მეორე ტაიმში მოახერხა. 90-ე წუთზე ლუკა ლოჩოშვილმა ნერვები ვერ მოთოკა, მეორე ყვითელი ბარათი მიიღო და მოედნიდან გააძევეს.
B2 ჯგუფის ექვსი ტურის შემდეგ საქართველოს ნაკრებმა გათამაშება ორი ქულით, გატანილი გოლის გარეშე, ბოლო ადგილზე დაასრულა და ანტირეკორდი დაამყარა – გუნდმა არსებობის ისტორიაში პირველად, საკვალიფიკაციო ციკლი ისე ჩაატარა, რომ ერთი გოლიც ვერ გაიტანა.
ყველა ახალი ამბავი
0