რამდენი თანხა გადმორიცხეს მიგრანტებმა საქართველოში - ახალი სტატისტიკა

CC BY 2.0 / Tax Credits / Cash Machineდოლარის კუპიურა
დოლარის კუპიურა - Sputnik საქართველო, 1920, 18.11.2026
გამოწერა
საანგარიშო პერიოდში ფულადი გზავნილების მოცულობით აშშ ლიდერობს.
თბილისი, 18 ნოემბერი — Sputnik. საქართველოს კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 2026 წლის იანვარ-ოქტომბერში, წინა წლის ანალოგიურ მაჩვენებელთან შედარებით, 3,8%-ით გაიზარდა და 3.124,3 მლნ დოლარი შეადგინა, იუწყება საქართველოს ეროვნული ბანკი.
საანგარიშო პერიოდში ფულადი გზავნილების მოცულობით აშშ ლიდერობს.
2026 წლის იანვარ-ოქტომბერში რუსეთიდან საქართველოში გადმორიცხული თანხის მოცულობამ დაახლოებით 319 მილიონი დოლარი შეადგინა. ეს ქართულ კომერციულ ბანკებში ელექტრონული სისტემებით ფულადი გადარიცხვების 10,2%-ია, რაც 17,3%-ით ნაკლებია 2025 წლის ანალოგიურ პერიოდთან შედარებით.
ოქტომბერში ფულადი გზავნილები რუსეთიდან გაიზარდა.
ქართულ კომერციულ ბანკებში ელექტრონული სისტემებით ფულადი გადმორიცხვები 2026 წლის ოქტომბერში 10,1%-ით გაიზარდა გასული წლის ანალოგიურ პერიოდთან შედარებით და 288,6 მლნ დოლარი შეადგინა.
2025 წლის ოქტომბერში რუსეთიდან 11,2 მლნ დოლარი გადმოირიცხა – გზავნილების მთლიანი მოცულობის 3,9%, რაც გასული წლის ანალოგიურ პერიოდთან შედარებით 72,8%-ით მეტია.
რამდენი გაიგზავნა საქართველოდან უცხოეთში
ოქტომბერში საქართველოდან საზღვარგარეთ 37,3 მლნ დოლარი გადაიგზავნა, რაც 2025 წლის ანალოგიურ პერიოდთან შედარებით 8,7%-ით ნაკლებია.
2026 წლის 10 თვეში საქართველოდან უცხოეთში 359,7 მლნ დოლარი გადაიგზავნა, რაც 2025 წლის ანალოგიურ პერიოდთან შედარებით 5%-ით მეტია.
ყველა ახალი ამბავი
0