გიორგობის დღესასწაულთან დაკავშირებით პენიტენციურ დაწესებულებებში ამანათების მიღება იწყება

© photo: Sputnik / Stringerრუსთავის ციხე
რუსთავის ციხე - Sputnik საქართველო, 1920, 18.11.2026
გამოწერა
ამანათების მიღების პროცესის შეუფერხებლად წარმართვას საპატიმროების ადმინისტრაცია უზრუნველყოფს.
თბილისი, 18 ნოემბერი — Sputnik. გიორგობის დღესასწაულთან დაკავშირებით სპეციალური პენიტენციური სამსახურის დაქვემდებარებაში არსებული ყველა დაწესებულება ამანათების მიღებას იწყებს, ნათქვამია სპეციალური პენიტენციური სამსახურის მიერ გავრცელებულ განცხადებაში.
პენიტენციურ დაწესებულებებში ბრალდებულებისა და მსჯავრდებულებისთვის განკუთვნილი ამანათების მიღება შესაძლებელი იქნება - 20 ნოემბერს, 09:00-დან 18:00 საათამდე და 21 ნოემბერს, 09:00-დან 15:00 საათამდე.
უწყება აქვეყნებს იმ კვების პროდუქტების ჩამონათვალს, რომელთა მიღების უფლებაც ბრალდებულს/მსჯავრდებულს ამანათის სახით აქვს:
საქონლის ხორცი (შემწვარი ან მოხარშული) - ჯამში არაუმეტეს 3 კგ,
ქათამი (შემწვარი ან მოხარშული) – არაუმეტეს 2 კგ,
ყველი - 3 კგ,
ხაჭაპური და ლობიანი 3-3 ცალი,
კიტრი და პომიდორი 2-2 კგ,
კექსი – 1 ცალი(კრემისა და ზედაპირზე ყოველგვარი საფარის გარეშე (შაქრის პუდრი, მინანქარი და სხვა ინგრედიენტები).
დამატებითი ინფორმაციის მიღება შესაძლებელია სპეციალური პენიტენციური სამსახურის „ცხელი ხაზის" -15 00 მეშვეობით.
უწყების ცნობით, სპეციალური პენიტენციური სამსახური უზრუნველყოფს ამანათების მიღების პროცესის შეუფერხებლად წარმართვას.
2026 წლის სექტემბრის მონაცემებით, საქართველოში დაახლოებით 12,3 ათასი პატიმარია. მათ ძირითად ნაწილს მამაკაცები შეადგენენ. პატიმართა ძირითად ნაწილს 30-50 წლის პირები შეადგენენ. საქართველოს ციხეებში სასჯელს იხდის 126 არასრულწლოვანი, რაც წინა წლის მაჩვენებელს (67 პირი) თითქმის ორჯერ აღემატება.
საქართველოში გიორგობას წელიწადში ორჯერ — 23 ნოემბერსა და 6 მაისს ზეიმობენ. 23 ნოემბერს მსოფლიო მართლმადიდებლური ეკლესია წმინდანის ბორბალზე წამებას აღნიშნავს, 6 მაისს კი თავის კვეთას და ამ დღეს მხოლოდ საქართველოს სამოციქულო მართლმადიდებლური ეკლესია აღნიშნავს. წმიდა გიორგი ქვეყნის მფარველად მიიჩნევა და მისი ხსენების დღეს საქართველოში სახელმწიფო სტატუსი აქვს — უქმე დღედ არის გამოცხადებული.
ყველა ახალი ამბავი
0