ხვიჩა კვარაცხელია GQ-ს 2026 წლის მამაკაცის ჯილდოს ლაურეატი გახდა

© Photographe : Kin Chan Coedelხვიჩა კვარაცხელია
ხვიჩა კვარაცხელია - Sputnik საქართველო, 1920, 16.11.2026
გამოწერა
სტატიის ავტორი რამდენიმე მიზეზს გამოყოფს, რის გამოც ქართველმა ფეხბურთელმა GQ Men of the Year 2026-ის წოდება დაიმსახურა - მთავარი არგუმენტი „პსჟ-ს“ ისტორიულ, ნანატრ წარმატებებში ხვიჩას წვლილია.
თბილისი, 16 ნოემბერი — Sputnik. საქართველოს საფეხბურთო ნაკრების კაპიტანი, „პარი სენ-ჟერმენის“ ერთ-ერთი ლიდერი ხვიჩა კვარაცხელია ცნობილი ფრანგული ჟურნალ GQ France-ის 2026 წლის რჩეული მამაკაცის (Men of the Year 2026) ტიტულის მფლობელი გახდა.
გასული სეზონის შედეგებით კვარაცხელია ჩემპიონთა ლიგის საუკეთესო ფეხბურთელად დასახელდა, „ოქროს ბურთისთვის“ რბოლაში კი მეექვსე ადგილი დაიკავა. 20 ოქტომბერს ჩემპიონთა ლიგის მე-3 ტურის ფარგლებში „ბარსელონასთან" გამართულ მატჩში ხვიჩა კვარაცხელიამ ტრავმა მიიღო. ფეხბურთელმა მარჯვენა მუხლის ჯვარედინი იოგი გაიწყვიტა, რის გამოც მიმდინარე სეზონს გამოტოვებს. სპეციალისტების პროგნოზით, კვარაცხელიას რეაბილიტაციას, შესაძლოა, ცხრა თვე დასჭირდეს.
„2025-2026 წლების ჩემპიონთა ლიგის საუკეთესო ფეხბურთელი, ხვიჩა კვარაცხელია „პსჟ"-ის ზედიზედ მეორე ევროპული ტრიუმფის ერთ-ერთი მთავარი შემოქმედი იყო. ქართველი დღეს ეროვნული სიამაყე და ევროპული ფეხბურთის ერთ-ერთი გამორჩეული სახეა“, — წერს გამოცემა GQ France.
სტატიის ავტორი რამდენიმე მიზეზს გამოყოფს, რის გამოც ქართველმა ფეხბურთელმა GQ Men of the Year 2026-ის წოდება დაიმსახურა.
მთავარი არგუმენტი „პსჟ-ს“ ისტორიულ, ნანატრ წარმატებებში ხვიჩას წვლილია. კვარაცხელია იმ გუნდის ერთ-ერთი საკვანძო მოთამაშე გახდა, რომელმაც ჩემპიონთა ლიგა ზედიზედ ორჯერ მოიგო.
„შუა სეზონში გადასვლის მიუხედავად, მან სწრაფად გაიარა ადაპტაცია და პარიზელებს მთავარი ევროპული საკლუბო ტიტულის მოპოვებაში დაეხმარა. 2025/2026 წლების სეზონში ქართველი ფეხბურთელი ტურნირზე „პსჟ-ს“ საუკეთესო ბომბარდირი და ასისტენტი გახდა, ასევე ჩემპიონთა ლიგის საუკეთესო მოთამაშედ დასახელდა“, – წერს ავტორი.
GQ განსაკუთრებით ხაზგასმით აღნიშნავს, რომ კვარაცხელია დიდი მატჩების ფეხბურთელია. მას შეუძლია წნეხის ქვეშ საკუთარი შესაძლებლობების გამოვლენა, გადამწყვეტ მომენტებში თამაშის მიმდინარეობის შეცვლა და უძლიერეს კლუბებთან დაპირისპირებებში პასუხისმგებლობის საკუთარ თავზე აღება. მისმა არაპროგნოზირებადმა დრიბლინგმა, სისწრაფემ და თამაშის გამწვავების უნარმა ის ევროპის ერთ-ერთ ყველაზე სახიფათო შემტევ ფეხბურთელად აქცია.
„მსოფლიო აღიარების მიუხედავად, ის რჩება თავმდაბალ და შრომისმოყვარე მოთამაშედ, რომელიც გუნდურ ინტერესებს პირად ამბიციებზე მაღლა აყენებს. სწორედ ამიტომ დაემთხვა მისი სათამაშო ფილოსოფია ასე კარგად „პსჟ-ს“ მთავარი მწვრთნელის, ლუის ენრიკეს მოთხოვნებს“, – აღნიშნავს ავტორი.
GQ-ს რედაქცია აღნიშნავს, რომ ქართველი ფეხბურთელი თანამედროვე ევროპული ფეხბურთის ერთ-ერთი უმნიშვნელოვანესი ფიგურაა.
ყველა ახალი ამბავი
0