საქართველოში 2025 წლის ეკონომიკური ზრდის მაჩვენებელი დააზუსტეს

© photo: Sputnikთბილისი - მეიდანი
თბილისი - მეიდანი - Sputnik საქართველო, 1920, 16.11.2026
გამოწერა
მშპ-ის სტრუქტურაში ყველაზე მაღალი ხვედრითი წილი აქვს შემდეგ სფეროებს: ვაჭრობა, უძრავი ქონება, გადამამუშავებელი მრეწველობა.
თბილისი, 16 ნოემბერი — Sputnik. დაზუსტებული მონაცემებით, 2025 წელს მშპ-ის რეალურმა ზრდამ 202 წლის მაჩვენებელთან შედარებით 8,4% შეადგინა, ნათქვამია საქართველოს სტატისტიკის ეროვნული სამსახურის („საქსტატი“) მასალებში.
ამრიგად, ეკონომიკური ზრდის მაჩვენებელი მიმდინარე წლის მარტში დაზუსტებულ მონაცემებთან შედარებით, როდესაც მშპ-ის ზრდამ 7,5% შეადგინა, 0,9 პროცენტული პუნქტით გაიზარდა.
მიმდინარე ფასებში 2025 წელს მშპ-ის მოცულობამ 108,4 მლრდ ლარი შეადგინა. აღნიშნულ პერიოდში დეფლატორმა 7,5%, მშპ-მ კი ერთ სულ მოსახლეზე 10 ათას დოლარზე მეტი შეადგინა.
ეკონომიკის რომელი სფეროები იზრდება
2025 წელს ყველაზე მეტი ზრდა აჩვენა შემდეგმა სფეროებმა: განათლება, ინფორმაცია და კომუნიკაცია, საფინანსო და სადაზღვევო საქმიანობა.
ეკონომიკის სფეროების ტოპ-5, სადაც 2025 წელს ყველაზე დიდი ზრდა დაფიქსირდა

ეკონომიკის სფერო

ზრდა, %

ინფორმაცია და კომუნიკაცია

28,9

ადმინისტრაციული საქმიანობა

23,4

განათლება

16,8

საფინანსო და სადაზღვევო საქმიანობა

15,9

გართობა და დასვენება

11,2

კლება დაფიქსირდა ელექტროენერგიის, ბუნებრივი აირის, ორთქლისა და კონდიცირებული ჰაერის მიწოდების (-7,6%), ასევე სამთომოპოვებითი მრეწველობის (-3,7%) სფეროებში.
მშპ-ის სტრუქტურაში ყველაზე მაღალი ხვედრითი წილი აქვს შემდეგ სფეროებს: ვაჭრობა, უძრავი ქონება, გადამამუშავებელი მრეწველობა.
ეკონომიკის ტოპ-5 სფერო, რომელსაც მშპ-ის სტრუქტურაში ყველაზე მაღალი ხვედრითი წილი უკავია

ეკონომიკის სფერო

ზრდა,%

ვაჭრობა

14,9

გადამამუშავებელი მრეწველობა

9,3

უძრავ ქონებასთან დაკავშირებული ოპერაციები

9,2

მშენებლობა

8,8

ინფორმაცია და კომუნიკაცია

8,0

ბოლო წლებში საქართველოს მშპ სტაბილურად იზრდება.ქვეყნის ეკონომიკურმა ზრდამ 2021 წელს 10,6%, 2022 წელს - 11%, 2023 წელს - 7,8%, ხოლო 2024 წელს - 9,7% შეადგინა.
ყველა ახალი ამბავი
0