https://sputnik-georgia.com/20261115/wvevamdelebma-senakshi-samxedro-pici-dades-301731044.html
წვევამდელებმა სენაკში სამხედრო ფიცი დადეს
წვევამდელებმა სენაკში სამხედრო ფიცი დადეს
Sputnik საქართველო
საქართველოში სავალდებულო სამხედრო სამსახურში გაწვევას 18–დან 27 წლამდე მამაკაცები ექვემდებარებიან. 15.11.2026-ს, Sputnik საქართველო
2026-11-15T16:13+0400
2026-11-15T16:13+0400
2026-11-15T16:13+0400
საქართველო
საქართველოს თავდაცვის სამინისტრო
საზოგადოება
ახალი ამბები
https://cdnn1.img.sputnik-georgia.com/img/24257/65/242576529_82:0:1195:626_1920x0_80_0_0_729d98486fecc2477a838ec2730fd18e.jpg
თბილისი, 15 ნოემბერი — Sputnik. წვევამდელთა ეროვნული სამხედრო სამსახურის 11 თვით გაწვეულმა მოქალაქეებმა სენაკში, მესამე ქვეითი ბრიგადის 31-ე ბატალიონის დისლოკაციის ადგილზე სამხედრო ფიცი დადეს, იუწყება საქართველოს თავდაცვის სამინისტრო.ფიცის დადების საზეიმო ცერემონიალს საწყისი საბრძოლო მომზადების კურსის ხელმძღვანელობა და რეკრუტების ოჯახის წევრები დაესწრნენ.11-თვიანი სამხედრო სამსახურის დასრულების შემდეგ წვევამდელებს ოფიცრის (ლეიტენანტის), სერჟანტის ან უმცროსი სერჟანტის წოდება მიენიჭებათ. სამხედრო სამსახურის პერიოდში ისინი უმცროს სამეთაურო თანამდებობებზე იმსახურებენ, ხოლო ნებაყოფლობითი რეგისტრაციის შემთხვევის გამო, ანაზღაურებაზე 30%-იან დანამატს მიიღებენ.სამხედრო ფიცის მიღებამდე წვევამდელებმა 6-კვირიანი საწყისი საბრძოლო მომზადების (BCT) კურსი გაიარეს. პროგრამის ფარგლებში მათ შეისწავლეს კავშირგაბმულობა, საცეცხლე, ტაქტიკური, სამედიცინო, საინჟინრო და სამწყობრო მომზადება, ასევე ტოპოგრაფია. დღეიდან წვევამდელების ნაწილი სწავლას გორში, დავით აღმაშენებლის სახელობის ეროვნული თავდაცვის აკადემიაში, უმცროს ოფიცერთა მომზადების კურსზე გააგრძელებს, ნაწილი კი კოჯორში, გიორგი ანწუხელიძის სახელობის სერჟანტთა აკადემიაში - ათეულისა და ოცეულის სერჟანტის საკარიერო კურსს გაივლის. სასწავლო პროგრამების დასრულების შემდეგ წვევამდელები 31-ე ქვეით ბატალიონში უმცროს სამეთაურო თანამდებობებზე დაბრუნდებიან და 6 თვის ვადით გაწვეულ წვევამდელებთან ერთად ოცეულის მეთაურის თანაშემწის, ოცეულის სერჟანტის თანაშემწის, ათეულის მეთაურისა და საშტაბო პოზიციებზე გააგრძელებენ სამსახურს.სამხედრო სამსახურისაქართველოში სავალდებულო სამხედრო სამსახურში გაწვევას 18–დან 27 წლამდე მამაკაცები ექვემდებარებიან.ჯარში სამსახურის პოპულარიზაცია თავდაცვის სამინისტროს ერთ-ერთ მთავარ პრიორიტეტს წარმოადგენს. განახლებული „თავდაცვის კოდექსი" 2025 წლიდან ამოქმედდა. სიახლეები შეეხო როგორც სავალდებულო სამსახურს, ისე საკონტრაქტო სამსახურს და საქართველოს თავდაცვის ძალების სტრუქტურას.2025 წლიდან გაწვევა ხორციელდება მხოლოდ წვევამდელთა ეროვნულ სამხედრო სამსახურში წვევამდელთა სიიდან შემთხვევითი შერჩევის პრინციპით.წვევამდელთა სამსახური ანაზღაურებადია, ასევე გათვალისწინებულია შვებულებები და დასვენების დღეები. წვევამდელი თავად ირჩევს სამსახურის გავლის სამიდან ერთ-ერთ ვარიანტს:გადავადება შესაძლებელია მხოლოდ ერთხელ და ის 5 ათასი ლარი დაჯდება.მანამდე არსებული კანონმდებლობით, წვევამდელთა სამსახური მოიცავდა ერთ წელიწადს და შვებულებას არ ითვალისწინებდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/24257/65/242576529_221:0:1056:626_1920x0_80_0_0_41b3f392f11a35e217709fc514c26de1.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს თავდაცვის სამინისტრო, საზოგადოება, ახალი ამბები
საქართველო, საქართველოს თავდაცვის სამინისტრო, საზოგადოება, ახალი ამბები
წვევამდელებმა სენაკში სამხედრო ფიცი დადეს
საქართველოში სავალდებულო სამხედრო სამსახურში გაწვევას 18–დან 27 წლამდე მამაკაცები ექვემდებარებიან.
თბილისი, 15 ნოემბერი — Sputnik. წვევამდელთა ეროვნული სამხედრო სამსახურის 11 თვით გაწვეულმა მოქალაქეებმა სენაკში, მესამე ქვეითი ბრიგადის 31-ე ბატალიონის დისლოკაციის ადგილზე სამხედრო ფიცი დადეს, იუწყება საქართველოს თავდაცვის სამინისტრო.
ფიცის დადების საზეიმო ცერემონიალს საწყისი საბრძოლო მომზადების კურსის ხელმძღვანელობა და რეკრუტების ოჯახის წევრები დაესწრნენ.
11-თვიანი სამხედრო სამსახურის დასრულების შემდეგ წვევამდელებს ოფიცრის (ლეიტენანტის), სერჟანტის ან უმცროსი სერჟანტის წოდება მიენიჭებათ. სამხედრო სამსახურის პერიოდში ისინი უმცროს სამეთაურო თანამდებობებზე იმსახურებენ, ხოლო ნებაყოფლობითი რეგისტრაციის შემთხვევის გამო, ანაზღაურებაზე 30%-იან დანამატს მიიღებენ.
სამხედრო ფიცის მიღებამდე წვევამდელებმა 6-კვირიანი საწყისი საბრძოლო მომზადების (BCT) კურსი გაიარეს. პროგრამის ფარგლებში მათ შეისწავლეს კავშირგაბმულობა, საცეცხლე, ტაქტიკური, სამედიცინო, საინჟინრო და სამწყობრო მომზადება, ასევე ტოპოგრაფია.
დღეიდან წვევამდელების ნაწილი სწავლას გორში, დავით აღმაშენებლის სახელობის ეროვნული თავდაცვის აკადემიაში, უმცროს ოფიცერთა მომზადების კურსზე გააგრძელებს, ნაწილი კი კოჯორში, გიორგი ანწუხელიძის სახელობის სერჟანტთა აკადემიაში - ათეულისა და ოცეულის სერჟანტის საკარიერო კურსს გაივლის.
სასწავლო პროგრამების დასრულების შემდეგ წვევამდელები 31-ე ქვეით ბატალიონში უმცროს სამეთაურო თანამდებობებზე დაბრუნდებიან და 6 თვის ვადით გაწვეულ წვევამდელებთან ერთად ოცეულის მეთაურის თანაშემწის, ოცეულის სერჟანტის თანაშემწის, ათეულის მეთაურისა და საშტაბო პოზიციებზე გააგრძელებენ სამსახურს.
საქართველოში სავალდებულო სამხედრო სამსახურში გაწვევას 18–დან 27 წლამდე მამაკაცები ექვემდებარებიან.
ჯარში სამსახურის პოპულარიზაცია თავდაცვის სამინისტროს ერთ-ერთ მთავარ პრიორიტეტს წარმოადგენს. განახლებული „თავდაცვის კოდექსი" 2025 წლიდან ამოქმედდა. სიახლეები შეეხო როგორც სავალდებულო სამსახურს, ისე საკონტრაქტო სამსახურს და საქართველოს თავდაცვის ძალების სტრუქტურას.
2025 წლიდან გაწვევა ხორციელდება მხოლოდ წვევამდელთა ეროვნულ სამხედრო სამსახურში წვევამდელთა სიიდან შემთხვევითი შერჩევის პრინციპით.
წვევამდელთა სამსახური ანაზღაურებადია, ასევე გათვალისწინებულია შვებულებები და დასვენების დღეები. წვევამდელი თავად ირჩევს სამსახურის გავლის სამიდან ერთ-ერთ ვარიანტს:
სამსახური საბრძოლო ქვედანაყოფში – ექვსი თვე;
სამსახური დაცვისა და უზრუნველყოფის ქვედანაყოფებში – რვა თვე;
სამსახური უმცროსი სამეთაურო წოდების მისაღებად და გარკვეული სპეციალობის დაუფლებისთვის – 11 თვე.
გადავადება შესაძლებელია მხოლოდ ერთხელ და ის 5 ათასი ლარი დაჯდება.
მანამდე არსებული კანონმდებლობით, წვევამდელთა სამსახური მოიცავდა ერთ წელიწადს და შვებულებას არ ითვალისწინებდა.