მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ლავროვი: ევროპელებს არ ესმით თავიანთი როლი უკრაინის შესახებ მოლაპარაკებებში

© photo: Sputnik / Юрий Кочетков / გადასვლა მედიაბანკშისერგეი ლავროვი
სერგეი ლავროვი - Sputnik საქართველო, 1920, 15.11.2026
გამოწერა
როგორც ადრე რუსულმა მხარემ განაცხადა, ევროპის ქვეყნები ცდილობენ უკრაინის შესახებ მოლაპარაკებების პროცესში ჩართვას, თუმცა ისინი უნდა ჩამოყალიბდნენ, ომი სურთ თუ მშვიდობა.
თბილისი, 15 ნოემბერი – Sputnik. ევროპელები ვერ აცნობიერებენ, რა როლი შეიძლება დაეკისროთ უკრაინის საკითხზე მიმდინარე მოლაპარაკებებში, რასაც მათივე განცხადებებიც მოწმობს, განაცხადა რუსეთის საგარეო საქმეთა მინისტრმა, სერგეი ლავროვმა.
„მათი (ევროპელების) განცხადებები ადასტურებს, რომ ვერ ხვდებიან, რა როლი შეიძლება დაეკისროთ“, — განუცხადა ლავროვმა Вести-ს ჟურნალისტ პაველ ზარუბინს.
დიპლომატის თქმით, ევროპელებს ესმით, რომ „მატარებელი მიდის და ცდილობენ, ბოლო ვაგონს მაინც შეახტნენ".
მან აღნიშნა, რომ ევროკომისიის პრეზიდენტ ურსულა ფონ დერ ლაიენისა და ევროდიპლომატიის ხელმძღვანელის, კაია კალასის განცხადებები უკრაინის საკითხის რუსეთის ინტერესების გაუთვალისწინებლად მოგვარებასთან დაკავშირებით ჩიხია.
საგარეო საქმეთა მინისტრმა ყურადღება გაამახვილა იმაზე, რომ მოსკოვი უკრაინის საკითხს ვაშინგტონის წარმომადგენლებთან საგნობრივად და რეალურ ფაქტებზე დაყრდნობით განიხილავს.
გასულ კვირაში აბუ-დაბიში აშშ-ის შუამავლობით რუსეთისა და უკრაინის მოლაპარაკებები გაიმართა. ევროპის წარმომადგენლებს მასში მონაწილეობა არ მიუღიათ
მოგვიანებით აშშ-ის პრეზიდენტის სპეცწარმომადგენელმა ჯარედ კუშნერმა განაცხადა, რომ უკრაინის საკითხზე სამშვიდობო მოლაპარაკებების მომდევნო რაუნდი ევროკავშირის წარმომადგენლების ხარჯზე გაფართოვდება.
როგორც რუსეთის პრეზიდენტის თანაშემწე იური უშაკოვმა განაცხადა, ევროპის ქვეყნები ცდილობენ უკრაინის შესახებ მოლაპარაკებების პროცესში ჩართვას, თუმცა ისინი უნდა ჩამოყალიბდნენ, ომი სურთ თუ მშვიდობა. მისი თქმით, ჯერჯერობით ევროპის ყველა ქმედება კონფლიქტის გაგრძელებისკენ სწრაფვაზე მიუთითებს.
ყველა ახალი ამბავი
0