ონლაინ სანოტარო მომსახურება - ვის შეუძლია სერვისით სარგებლობა

© photo: Sputnik / Stringerიუსტიციის სახლი
იუსტიციის სახლი - Sputnik საქართველო, 1920, 15.11.2026
გამოწერა
ნოტარიუსთა პალატა, როგორც იუსტიციის სამინისტროს სისტემაში შემავალი საჯარო სამართლის იურიდული პირი, მუდმივად ზრუნავს სერვისების ელექტრონული ხელმისაწვდომობის გაზრდაზე.
თბილისი, 15 ნოემბერი — Sputnik. განცხადებებისა და სხვადასხვა ტიპის გარიგებების დამოწმება უკვე ონლაინ-რეჟიმშიც არის შესაძლებელი, განაცხადა ნოტარიუსთა პალატის გამგეობის თავმჯდომარე დავით იმნაძემ ტელეარხ „იმედის" ეთერში.
მისი განცხადებით, ონლაინ სანოტარო სერვისით სარგებლობის უფლება აქვს აქტიური პირადობის მოწმობის ან მოქალაქის ბიომეტრიული პასპორტის მქონე საქართველოს მოქალაქეს, ასევე ბინადრობის მოწმობის მქონე პირს, რომელსაც შეუძლია ისარგებლოს ამ სერვისით საზღვარგარეთიდან.
„ეს შეიძლება იყოს ნებისმიერი შინაარსის განცხადება. მაგალითად, არასრულწლოვანი შვილის საზღვარგარეთ გასაყვანად მშობლის თანხმობა. აგრეთვე, შეიძლება დამოწმდეს ქონების გაყიდვაზე თანხმობა, პირის რეგისტრაციასთან დაკავშირებით, სამკვიდრო განაცხადის მიღებაზე ან უარის თქმაზე თანხმობა", - განაცხადა იმნაძემ.
იმნაძის თქმით, მინდობილობის გაფორმების პროცესი მაქსიმალურად თავისუფალია ბიუროკრატიული ბარიერებისგან და მოქალაქისგან მინიმალური დოკუმენტაციის წარდგენას მოითხოვს.
„კიდევ მეტი უსაფრთხოებისთვის და გარანტიის მიზნით, სანოტარო პროცესს ესწრება ორი ქმედუნარიანი პირი. ეს ორი პირი საქართველოს კანონმდებლობით არის გათვალისწინებული. ერთი არის თავად მინდობილობის გამცემი პირის ნდობით აღჭურვილი პირი, ხოლო მეორე - მოწმე", - აღნიშნა ნოტარიუსთა პალატის გამგეობის თავმჯდომარემ.
ნოტარიუსთა პალატა, როგორც იუსტიციის სამინისტროს სისტემაში შემავალი საჯარო სამართლის იურიდული პირი, მუდმივად ზრუნავს სერვისების ელექტრონული ხელმისაწვდომობის გაზრდაზე.
ყველა ახალი ამბავი
0