ბოჭორიშვილმა აბუ-დაბიში Sir Bani Yas-ის ფორუმში მიიღო მონაწილოეობა

© photo: Sputnik / Григорий Сысоев / გადასვლა მედიაბანკშიაბუ-დაბი
აბუ-დაბი - Sputnik საქართველო, 1920, 15.11.2026
გამოწერა
არაბთა გაერთიანებულ საამიროებში გამართული ღონისძიების ფარგლებში საქართველოს პირველმა დიპლომატმა კოლეგა მინისტრებთან ორმხრივი შეხვედრები გამართა.
თბილისი, 15 ნოემბერი — Sputnik. საქართველოს ვიცე-პრემიერმა, საგარეო საქმეთა მინისტრმა მაკა ბოჭორიშვილმა, არაბთა გაერთიანებული საამიროების ვიცე-პრემიერისა და საგარეო საქმეთა მინისტრის, შეიხ აბდულა ბინ ზაიედ ალ-ნაჰიანის მიწვევით, აბუ-დაბიში გამართულ Sir Bani Yas-ის ფორუმში მიიღო მონაწილეობა, იუწყბა საქართველოს საგარეო საქმეთა სამინისტრო.
ფორუმი, რომელიც 13-15 ნოემბერს იმართა, მაღალი დონის საერთაშორისო დიალოგის მნიშვნელოვანი პლატფორმაა, რომელიც ხელს უწყობს გლობალურ და რეგიონულ საკითხებზე დიალოგის განვითარებასა და თანამშრომლობის გაღრმავებას.
„ფორუმის ფარგლებში, დახურულ ფორმატში გაიმართა დისკუსიები საერთაშორისო დღის წესრიგის აქტუალურ საკითხებზე, მათ შორის გლობალურ და რეგიონულ გამოწვევებზე“, -აღნიშულია ინფორმაციაში.
Sir Bani Yas-ის ღონისძიება 100-მდე საგარეო საქმეთა მინისტრს, დიპლომატსა და წამყვან გლობალურ ექსპერტს აერთიანებს. ფორუმის ფარგლებში მაკა ბოჭორიშვილმა ორმხრივი შეხვედრები გამართა კოლეგა საგარეო საქმეთა მინისტრებთან და ფორუმის მონაწილეებთან.
საქართველომ და არაბთა გაერთიანებულმა საამიროებმა დიპლომატიური ურთიერთობები 1992 წლის 20 ოქტომბერს დაამყარეს. ორივე ქვეყანა დაინტერესებულია თანამშრომლობის განვითარებით ეკონომიკის, ინვესტიციების, ტურიზმის სფეროში.
გაერთიანებული საამიროები არაბულ ქვეყნებს შორის საქართველოს წამყვანი სავაჭრო პარტნიორია.
საამიროებს საქართველოსთან ძალიან მჭიდრო ურთიერთობები აკავშირებს, რაც ასახულია ყოვლისმომცველ ეკონომიკური თანამშრომლობის შეთანხმებაში. აღნიშნული დოკუმენტის ფარგლებში ორივე ქვეყნის საექსპორტო პროდუქციის 95% გათავისუფლებულია გადასახადებისგან.
შეთანხმების თანახმად, არაბეთის გაერთიანებულმა საამიროებმა გახსნა ბაზარი საქართველოში წარმოებული ისეთი პროდუქტებისთვის, როგორიცაა ძროხისა და ცხვრის ხორცი, თაფლი, თხილი, მინერალური წყალი, ხილისა და ბოსტნეულის კონსერვები, უალკოჰოლო სასმელები, აზოტოვანი სასუქები, ტექსტილი და ა.შ.
ყველა ახალი ამბავი
0