სექტემბერში სასტუმროში განთავსების ღირებულება 7,2%-ით შემცირდა, წლიურად კი 8%-ით გაიზარდა

© courtesy of Radisson BLU hotelსასტუმრო Radisson Blu Iveria
სასტუმრო  Radisson Blu Iveria - Sputnik საქართველო, 1920, 14.11.2026
გამოწერა
კახეთი გახდა ერთადერთი რეგიონი, სადაც სექტემბერში ფასები გაიზარდა — აგვისტოსთან შედარებით 2,1%-ით
თბილისი, 14 ნოემბერი — Sputnik. 2026 წლის სექტემბერში საქართველოს სასტუმროს ფასების ინდექსი წინა თვესთან შედარებით 7,2%-ით შემცირდა, 2025 წლის სექტემბერთან შედარებით კი 8%-ით გაიზარდა, ნათქვამია კვლევითი ცენტრი PMCG Research-ის მიმოხილვაში „სასტუმროების ფასების ინდექსი საქართველოში“.
კომპანიის კვლევის თანახმად, ქვეყნის თითქმის ყველა რეგიონში ფასების კლება დაფიქსირდა, კახეთის გარდა.
კახეთი გახდა ერთადერთი რეგიონი, სადაც სექტემბერში ფასები გაიზარდა — აგვისტოსთან შედარებით 2,1%-ით (ხოლო 2025 წლის სექტემბერთან შედარებით — 10,6%-ით).
განთავსების ღირებულების ყველაზე მნიშვნელოვანი კლება — რაც ზღვისპირა კურორტებზე აქტიური სეზონის დასრულებით იყო განპირობებული — გურიასა (-23%) და აჭარაში (-17,9%) დაფიქსირდა.
წლიურ ჭრილში (2025 წლის სექტემბერთან შედარებით) ფასები ყველა რეგიონში გაიზარდა; ზრდის მაჩვენებლით ლიდერობს მაღალმთიანი რაჭა (+22,2%). მას მოსდევს სამეგრელო-ზემო სვანეთი (+11,8%) და კახეთი (+10,6%).
სტანდარტული ორადგილიანი ნომრის საშუალო ღირებულება (ერთი ღამე) 2026 წლის სექტემბერში:
5-ვარსკვლავიანი სასტუმროები — 546 ლარი (საოჯახო ტიპის სასტუმროების ფასზე ოთხჯერ მეტი);
4-ვარსკვლავიანი სასტუმროები — 290 ლარი;
3-ვარსკვლავიანი სასტუმროები — 186 ლარი;
საოჯახო ტიპის სასტუმროები — 130 ლარი.
კომპანიის მიერ წარმოდგენილი მონაცემები ეფუძნება საქართველოს 10 რეგიონსა და თბილისში არსებული 568 სასტუმროსა და 371 საოჯახო ტიპის სასტუმროს მონიტორინგს.
ყველა ახალი ამბავი
0