https://sputnik-georgia.com/20261113/vin-warmoadgens-evropas-molaparakebebze-rusettan-kremlis-pozicia-301714515.html
ვინ წარმოადგენს ევროპას მოლაპარაკებებზე რუსეთთან: კრემლის პოზიცია
ვინ წარმოადგენს ევროპას მოლაპარაკებებზე რუსეთთან: კრემლის პოზიცია
Sputnik საქართველო
მანამდე მედიაში გავრცელდა ინფორმაცია, რომ ევროკავშირის ქვეყნები სამ ბანაკად გაიყვნენ იმ საკითხთან დაკავშირებით, თუ ვინ შეიძლება წარმოადგენდეს ევროპული... 13.11.2026-ს, Sputnik საქართველო
2026-11-13T21:36+0400
2026-11-13T21:36+0400
2026-11-14T09:26+0400
მსოფლიო დღეს
რუსეთ-უკრაინის კონფლიქტი
რუსეთი
უკრაინა
ევროპა
აშშ
მსოფლიოს ახალი ამბები
https://cdnn1.img.sputnik-georgia.com/img/07e6/09/07/270194751_0:0:2939:1654_1920x0_80_0_0_a4d101a95a0bcd27b64e067b7955bd61.jpg
თბილისი, 13 ნოემბერი – Sputnik. თუ ევროპა რუსეთის პრეზიდენტ ვლადიმირ პუტინთან დიალოგისთვის უფლებამოსილ წარმომადგენელს გამოყოფს — და ამგვარ დიალოგში ჩართვის გულწრფელ სურვილს გამოხატავს — რუსეთი მზად იქნება სასაუბროდ, განუცხადა პარასკევს ჟურნალისტებს კრემლის პრესსპიკერმა დმიტრი პესკოვმა.„თუ ევროპელებს ნამდვილად ჰყავთ ვინმე, ვისაც გარკვეული უფლებამოსილება მაინც აქვს მოლაპარაკებების წარმოებისთვის, და თუ მათ მართლაც აქვთ ამის სურვილი, მაშინ, რა თქმა უნდა, ჩვენ მზად ვიქნებით მათთან სასაუბროდ”, - აღნიშნა პესკოვმა.კრემლის პრესსპიკერმა აღნიშნა, რომ რუსეთის სახელმწიფოს მეთაურს ევროპასთან კონტაქტების შეწყვეტის ინიციატივა არასდროს გამოუჩენია — დიალოგს თავად ევროპელები გაერიდნენ, ხოლო რუსეთის ლიდერი კვლავაც მზადაა ნებისმიერი ფორმატის კონტაქტებისთვის.ამავდროულად, პესკოვმა უარი თქვა კომენტარის გაკეთებაზე იმ ცნობებთან დაკავშირებით, თითქოს რუსეთთან მოლაპარაკებებში ევროპას შესაძლოა საფრანგეთის პრეზიდენტი ემანუელ მაკრონი წარმოადგენდეს; მან აღნიშნა, რომ მსგავსი ცნობები — რომლებშიც სხვადასხვა კანდიდატი ფიგურირებს — ყოველ საათში ჩნდება.„არ ვიცით, რა ინფორმაციაა ეს. ახლა ყოველ საათში მოდის ინფორმაცია, სადაც სხვადასხვა კანდიდატი სახელდება“, — განაცხადა მან.რუსეთის ლიდერის პრესმდივანმა ასევე უარი თქვა კომენტარის გაკეთებაზე ევროკავშირის საგარეო პოლიტიკის ხელმძღვანელის, კაია კალასის — როგორც ევროპის სახელით მოლაპარაკებების წარმართვის უფლებამოსილი პირის შესახებ.მანამდე, მოსკოვში პუტინთან და დუბლინში ზელენსკისთან გამართული შეხვედრების შემდეგ, აშშ-ის პრეზიდენტის სიძემ, ჯარედ კუშნერმა განაცხადა, რომ უკრაინასთან დაკავშირებული მოლაპარაკებების მომდევნო რაუნდი გაფართოვდება და მასში ევროკავშირის წარმომადგენლებიც ჩაერთვებიან.როგორც გამოცემა Politico იტყობინებოდა, ევროკავშირში, იმასთან დაკავშირებით, თუ ვინ უნდა წარმოადგენდეს ევროპული ქვეყნების ინტერესებს მოლაპარაკებებზე, აზრთა სხვადასხვაობაა და მხარეები, სულ მცირე, სამ ბანაკად დაიყვნენ. ზოგიერთი სახელმწიფო ევროპული საბჭოს პრეზიდენტს, ანტონიო კოშტას უჭერს მხარს, სხვები — ევროკავშირის საგარეო პოლიტიკის ხელმძღვანელს, კაია კალასს; ამავდროულად, საფრანგეთსა და გერმანიას არ სურთ დაუთმონ ბრიუსელს მოლაპარაკებებზე ევროპის დამოუკიდებლად წარდგენის უფლებამოსილება, ნათქვამია პუბლიკაციაში.რუსეთის საგარეო საქმეთა მინისტრის მოადგილემ, ალექსანდრ გრუშკომ სააგენტო „რია ნოვოსტისთან“ ინტერვიუში განაცხადა, რომ რუსეთისთვის ფუნდამენტური მნიშვნელობა არ აქვს, კონკრეტულად ვინ იქნება ევროპის მხრიდან მომლაპარაკებელი; მთავარია მისი პოზიცია.
უკრაინა
ევროპა
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
რუსეთ-უკრაინის კონფლიქტი, რუსეთი, უკრაინა , ევროპა, აშშ , მსოფლიოს ახალი ამბები
რუსეთ-უკრაინის კონფლიქტი, რუსეთი, უკრაინა , ევროპა, აშშ , მსოფლიოს ახალი ამბები
ვინ წარმოადგენს ევროპას მოლაპარაკებებზე რუსეთთან: კრემლის პოზიცია
21:36 13.11.2026 (განახლებულია: 09:26 14.11.2026) მანამდე მედიაში გავრცელდა ინფორმაცია, რომ ევროკავშირის ქვეყნები სამ ბანაკად გაიყვნენ იმ საკითხთან დაკავშირებით, თუ ვინ შეიძლება წარმოადგენდეს ევროპული თანამეგობრობის ინტერესებს მოლაპარაკებებში.
თბილისი, 13 ნოემბერი – Sputnik. თუ ევროპა რუსეთის პრეზიდენტ ვლადიმირ პუტინთან დიალოგისთვის უფლებამოსილ წარმომადგენელს გამოყოფს — და ამგვარ დიალოგში ჩართვის გულწრფელ სურვილს გამოხატავს — რუსეთი მზად იქნება სასაუბროდ, განუცხადა პარასკევს ჟურნალისტებს კრემლის პრესსპიკერმა დმიტრი პესკოვმა.
„თუ ევროპელებს ნამდვილად ჰყავთ ვინმე, ვისაც გარკვეული უფლებამოსილება მაინც აქვს მოლაპარაკებების წარმოებისთვის, და თუ მათ მართლაც აქვთ ამის სურვილი, მაშინ, რა თქმა უნდა, ჩვენ მზად ვიქნებით მათთან სასაუბროდ”, - აღნიშნა პესკოვმა.
კრემლის პრესსპიკერმა აღნიშნა, რომ რუსეთის სახელმწიფოს მეთაურს ევროპასთან კონტაქტების შეწყვეტის ინიციატივა არასდროს გამოუჩენია — დიალოგს თავად ევროპელები გაერიდნენ, ხოლო რუსეთის ლიდერი კვლავაც მზადაა ნებისმიერი ფორმატის კონტაქტებისთვის.
ამავდროულად, პესკოვმა უარი თქვა კომენტარის გაკეთებაზე იმ ცნობებთან დაკავშირებით, თითქოს რუსეთთან მოლაპარაკებებში ევროპას შესაძლოა საფრანგეთის პრეზიდენტი ემანუელ მაკრონი წარმოადგენდეს; მან აღნიშნა, რომ მსგავსი ცნობები — რომლებშიც სხვადასხვა კანდიდატი ფიგურირებს — ყოველ საათში ჩნდება.
„არ ვიცით, რა ინფორმაციაა ეს. ახლა ყოველ საათში მოდის ინფორმაცია, სადაც სხვადასხვა კანდიდატი სახელდება“, — განაცხადა მან.
რუსეთის ლიდერის პრესმდივანმა ასევე უარი თქვა კომენტარის გაკეთებაზე ევროკავშირის საგარეო პოლიტიკის ხელმძღვანელის, კაია კალასის — როგორც ევროპის სახელით მოლაპარაკებების წარმართვის უფლებამოსილი პირის შესახებ.
მანამდე, მოსკოვში პუტინთან და დუბლინში ზელენსკისთან გამართული შეხვედრების შემდეგ, აშშ-ის პრეზიდენტის სიძემ, ჯარედ კუშნერმა განაცხადა, რომ უკრაინასთან დაკავშირებული მოლაპარაკებების მომდევნო რაუნდი გაფართოვდება და მასში ევროკავშირის წარმომადგენლებიც ჩაერთვებიან.
როგორც გამოცემა Politico იტყობინებოდა, ევროკავშირში, იმასთან დაკავშირებით, თუ ვინ უნდა წარმოადგენდეს ევროპული ქვეყნების ინტერესებს მოლაპარაკებებზე, აზრთა სხვადასხვაობაა და მხარეები, სულ მცირე, სამ ბანაკად დაიყვნენ. ზოგიერთი სახელმწიფო ევროპული საბჭოს პრეზიდენტს, ანტონიო კოშტას უჭერს მხარს, სხვები — ევროკავშირის საგარეო პოლიტიკის ხელმძღვანელს, კაია კალასს; ამავდროულად, საფრანგეთსა და გერმანიას არ სურთ დაუთმონ ბრიუსელს მოლაპარაკებებზე ევროპის დამოუკიდებლად წარდგენის უფლებამოსილება, ნათქვამია პუბლიკაციაში.
რუსეთის საგარეო საქმეთა მინისტრის მოადგილემ, ალექსანდრ გრუშკომ სააგენტო „რია ნოვოსტისთან“ ინტერვიუში განაცხადა, რომ რუსეთისთვის ფუნდამენტური მნიშვნელობა არ აქვს, კონკრეტულად ვინ იქნება ევროპის მხრიდან მომლაპარაკებელი; მთავარია მისი პოზიცია.
