https://sputnik-georgia.com/20261113/semoqmedis-samonastro-kompleqsis-reabilitacia-igegmeba-301707200.html
შემოქმედის სამონასტრო კომპლექსის რეაბილიტაცია იგეგმება
შემოქმედის სამონასტრო კომპლექსის რეაბილიტაცია იგეგმება
Sputnik საქართველო
საქართველოს კათოლიკოს-პატრიარქი ილია მეორე 1963-1967 წლებში შემოქმედის ეპარქიის ეპისკოპოსი იყო 13.11.2026-ს, Sputnik საქართველო
2026-11-13T18:10+0400
2026-11-13T18:10+0400
2026-11-13T18:10+0400
ახალი ამბები
საქართველო
სრულიად საქართველოს კათოლიკოს–პატრიარქი ილია მეორე
გურია
ქართული კულტურული მემკვიდრეობის ძეგლები
https://cdnn1.img.sputnik-georgia.com/img/07ea/0b/0d/301700947_0:0:1600:900_1920x0_80_0_0_236a1e221c6a471a8d6128c4cffc4e36.jpg
თბილისი, 13 ნოემბერი – Sputnik. საქართველოს კულტურული მემკვიდრეობის დაცვის ეროვნული სააგენტო ოზურგეთის მუნიციპალიტეტის სოფელ შემოქმედში მდებარე ეროვნული მნიშვნელობის კატეგორიის ძეგლის, შემოქმედის არქიტექტურული კომპლექსის რეაბილიტაციას გეგმავს.შემოქმედის არქიტექტურული კომპლექსი მოიცავს მაცხოვრისა და ზარზმის სახელობის ტაძრებს, სამრეკლოსა და გალავანს. მისი მთავარი ნაგებობებია XII-XIV საუკუნეების მაცხოვრის სახელობის სამნავიანი ბაზილიკა და XVI საუკუნეში ვახტანგ გურიელის მიერ აგებული ზარზმის სახელობის გუმბათიანი ტაძარი.„ტაძრის რეაბილიტაციის შედეგად უზრუნველყოფილი იქნება მისი დამაზიანებელი ყველა ფაქტორის აღმოფხვრა. განხორციელდება ქვისა და კედლის მხატვრობის კონსერვაცია, სრულად შეიცვლება გადახურვა და მოეწყობა წყალარინების სისტემა“, - ნათქვამია სააგენტოს განცხადებაში.კულტურული მემკვიდრეობის დაცვის ეროვნული სააგენტოს ცნობით, სარეაბილიტაციო სამუშაოების დაწყებამდე სააგენტომ უზრუნველყო ძეგლის საპროექტო-სახარჯთაღრიცხვო დოკუმენტაციის მომზადება, რომლის ფარგლებშიც განხორციელდა მრავალმხრივი, მათ შორის კომპლექსის არქიტექტურული, კონსტრუქციული და საინჟინრო კვლევები, შეფასდა არსებული დაზიანებები, განისაზღვრა რეაბილიტაცია-კონსერვაციისა და კედლის მხატვრობის კონსერვაციის მეთოდოლოგია.პროექტირების დეტალები ადგილობრივი ხელისუფლების წარმომადგენლებს გააცნეს სააგენტოს გენერალური დირექტორის პირველმა მოადგილემ, თეა ონიანმა და შპს Arch-R ჯგუფის დირექტორმა, გურამ სუთიძემ. შეხვედრას ესწრებოდნენ გურიის მხარეში სახელმწიფო რწმუნებული გიორგი ღურჯუმელიძე, ოზურგეთის მერის მოვალეობის შემსრულებელი გია ანთაძე და საკრებულოს თავმჯდომარე დავით დარჩია.შემოქმედის ეპარქიის იურისდიქცია ვრცელდება გურიის მხარის ტერიტორიაზე - ოზურგეთის, ლანჩხუთისა და ჩოხატაურის მუნიციპალიტეტებზე.სრულიად საქართველოს კათოლიკოს-პატრიარქი ილია II 1963–1967 წლებში მოღვაწეობდა შემოქმედში, როგორც შემოქმედის ეპისკოპოსი. ეს იყო მისი პირველი სამღვდელმთავრო კათედრა, საიდანაც დაიწყო მისი მმართველობითი სასულიერო გზა.
საქართველო
გურია
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, სრულიად საქართველოს კათოლიკოს–პატრიარქი ილია მეორე, გურია , ქართული კულტურული მემკვიდრეობის ძეგლები
ახალი ამბები, საქართველო, სრულიად საქართველოს კათოლიკოს–პატრიარქი ილია მეორე, გურია , ქართული კულტურული მემკვიდრეობის ძეგლები
შემოქმედის სამონასტრო კომპლექსის რეაბილიტაცია იგეგმება
საქართველოს კათოლიკოს-პატრიარქი ილია მეორე 1963-1967 წლებში შემოქმედის ეპარქიის ეპისკოპოსი იყო
თბილისი, 13 ნოემბერი – Sputnik. საქართველოს კულტურული მემკვიდრეობის დაცვის ეროვნული სააგენტო ოზურგეთის მუნიციპალიტეტის სოფელ შემოქმედში მდებარე ეროვნული მნიშვნელობის კატეგორიის ძეგლის, შემოქმედის არქიტექტურული კომპლექსის რეაბილიტაციას გეგმავს.
შემოქმედის არქიტექტურული კომპლექსი მოიცავს მაცხოვრისა და ზარზმის სახელობის ტაძრებს, სამრეკლოსა და გალავანს. მისი მთავარი ნაგებობებია XII-XIV საუკუნეების მაცხოვრის სახელობის სამნავიანი ბაზილიკა და XVI საუკუნეში ვახტანგ გურიელის მიერ აგებული ზარზმის სახელობის გუმბათიანი ტაძარი.
„ტაძრის რეაბილიტაციის შედეგად უზრუნველყოფილი იქნება მისი დამაზიანებელი ყველა ფაქტორის აღმოფხვრა. განხორციელდება ქვისა და კედლის მხატვრობის კონსერვაცია, სრულად შეიცვლება გადახურვა და მოეწყობა წყალარინების სისტემა“, - ნათქვამია სააგენტოს განცხადებაში.
კულტურული მემკვიდრეობის დაცვის ეროვნული სააგენტოს ცნობით, სარეაბილიტაციო სამუშაოების დაწყებამდე სააგენტომ უზრუნველყო ძეგლის საპროექტო-სახარჯთაღრიცხვო დოკუმენტაციის მომზადება, რომლის ფარგლებშიც განხორციელდა მრავალმხრივი, მათ შორის კომპლექსის არქიტექტურული, კონსტრუქციული და საინჟინრო კვლევები, შეფასდა არსებული დაზიანებები, განისაზღვრა რეაბილიტაცია-კონსერვაციისა და კედლის მხატვრობის კონსერვაციის მეთოდოლოგია.
პროექტირების დეტალები ადგილობრივი ხელისუფლების წარმომადგენლებს გააცნეს სააგენტოს გენერალური დირექტორის პირველმა მოადგილემ, თეა ონიანმა და შპს Arch-R ჯგუფის დირექტორმა, გურამ სუთიძემ. შეხვედრას ესწრებოდნენ გურიის მხარეში სახელმწიფო რწმუნებული გიორგი ღურჯუმელიძე, ოზურგეთის მერის მოვალეობის შემსრულებელი გია ანთაძე და საკრებულოს თავმჯდომარე დავით დარჩია.
შემოქმედის ეპარქიის იურისდიქცია ვრცელდება გურიის მხარის ტერიტორიაზე - ოზურგეთის, ლანჩხუთისა და ჩოხატაურის მუნიციპალიტეტებზე.
სრულიად საქართველოს კათოლიკოს-პატრიარქი ილია II 1963–1967 წლებში მოღვაწეობდა შემოქმედში, როგორც შემოქმედის ეპისკოპოსი. ეს იყო მისი პირველი სამღვდელმთავრო კათედრა, საიდანაც დაიწყო მისი მმართველობითი სასულიერო გზა.
