ნეაპოლში ქართველმა მომვლელმა მოხუცი ცოლ-ქმარი დააძინა და გაქურდა

© Pexels / Annushka Ahujaსუპი
სუპი - Sputnik საქართველო, 1920, 12.11.2026
გამოწერა
ქალმა ოჯახიდან 50 ათასი ევროს ოდენობის ნაღდი ფული და 100 ათასი ევროს ღირებულების ოქროს სამკაულები მოიპარა.
თბილისი, 12 ნოემბერი - Sputnik. იტალიის ქალაქ ნეაპოლში 53 წლის ქართველი ქალი დააკავეს, იუწყება ადგილობრივი მედია.
გავრცელებული ინფორმაციით, ქართველმა ქალმა ნეაპოლში ერთ-ერთ ოჯახში 70 წელს გადაცილებული წყვილის მომვლელად დაიწყო მუშაობა, თუმცა რამდენიმე დღის შემდეგ გაუჩინარდა.
გამოძიების თანახმად, ეჭვმიტანილმა ქურდობამდე წვნიანი მოამზადა, რომელშიც წყვილის დასაძინებლად სპეციალური საშუალება შეურია.
მან ოჯახიდან 50 ათასი ევროს ოდენობის ნაღდი ფული და 100 ათასი ევროს ღირებულების ოქროს სამკაულები მოიპარა.
გამოძიება რამდენიმე თვეს გაგრძელდა და პოლიციამ ეჭვმიტანილის ადგილსამყოფლის დადგენა გასულ კვირას შეძლო.
დაკავებისას ეჭვმიტანილს იმავე ნარკოტიკული საშუალების ბოთლი უპოვეს, რომელიც ექსპერტიზამ დაზარალებულების წვნიანში აღმოაჩინა. ასევე ქალს თან ყალბი პირადობის დამადასტურებელი დოკუმენტი ჰქონდა, რომელიც სხვის სახელზე იყო რეგისტრირებული.
სასამართლომ ქართველ ქალს წინასწარი პატიმრობა შეუფარდა.
ყველა ახალი ამბავი
0