რაგბი: საქართველოს 18-წლამდელთა ნაკრებმა ნიდერლანდები დაამარცხა

© Сourtesy of Georgian Rugbyრაგბი
რაგბი - Sputnik საქართველო, 1920, 11.11.2026
გამოწერა
ფინალში, რომელიც 14 ნოემბერს გაიმართება, უმცროსი „ბორჯღალოსნების“ მეტოქე ესპანეთისა და ჩეხეთის წყვილში გამარჯვებული იქნება.
თბილისი, 11 ნოემბერი – Sputnik. საქართველოს 18-წლამდელთა რაგბის ნაკრებმა ჩეხეთში მიმდინარე ევროპის ჩემპიონატის ნახევარფინალში ნიდერლანდების ნაკრები ანგარიშით 24:19 დაამარცხა და ფინალში გავიდა.
უმცროსმა „ბორჯღალოსნებმა“ უპირატესობა პირველ ტაიმში მოიპოვეს, მეტოქეს სამი ლელო დაუდეს (ნიდერლანდებმა ერთი ლელო მიითვალეს) და პირველი ნახევარი 19:7 მოიგეს.
მეორე ტაიმში საქართველოს ნაკრებმა ანგარიში კიდევ გაზარდა, თუმცა მატჩის ბოლომდე ნიდერლანდელებმა კიდევ ორი ლელოს დადება მოახერხეს, სხვაობა შეამცირეს, მაგრამ საქართველოს ნაკრებმა მეტოქის შეტევები მოიგერია და ფინალში თამაშის უფლება ზედიზედ მეთერთმეტედ მოიპოვა.
ქართველებიდან ლელოები საბა მერებაშვილმა, ლუკა ჭაკუამ, გიორგი ბერძენიშვილმა და მათე ბერუაშვილმა დადეს, ჭაკუამ ზუსტად ორი გარდასახვა დაარტყა.
ფინალში, რომელიც 14 ნოემბერს გაიმართება, უმცროსი „ბორჯღალოსნების“ მეტოქე ესპანეთისა და ჩეხეთის წყვილში გამარჯვებული იქნება.
ყველა ახალი ამბავი
0