პირადი ცხოვრების ამსახველი ვიდეოკადრების გავრცელებისთვის კახეთში 1 პირი დააკავეს

© photo: Sputnik / Stringerდაკავება
დაკავება - Sputnik საქართველო, 1920, 11.11.2026
გამოწერა
დანაშაული 7-წლამდე თავისუფლების აღკვეთას ითვალისწინებს.
თბილისი, 11 ნოემბერი - Sputnik. სამართალდამცველებმა პირადი ცხოვრების საიდუმლოს ხელყოფის ფაქტზე კახეთში ერთი პირი დააკავეს, ნათქვამია საქართველოს პროკურატურის მიერ გავრცელებულ განცხადებაში.
გამოძიებით დადგინდა, რომ ბრალდებულმა უკანონოდ მოიპოვა და მობილურ ტელეფონში ინახავდა დაზარალებულის პირადი ცხოვრების საიდუმლოს ამსახველ ვიდეოს, რომელიც უკანონოდ გაავრცელა.
დაკავებულს ბრალდება სსკ-ის 157-ე პრიმა მუხლით (პირადი ცხოვრების საიდუმლოს უკანონოდ მოპოვება, შენახვა და გავრცელება) წარედგინა, რაც სასჯელის სახედ და ზომად 7-წლამდე თავისუფლების აღკვეთას ითვალისწინებს.
პროკურატურამ ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს უკვე მიმართა.
ყველა ახალი ამბავი
0