პრემიერმა კრაკოვში მომხდარი ტრაგედიის გამო მწუხარება გამოთქვა

© Courtesy of Irakli Kobakhidzeირაკლი კობახიძე
ირაკლი კობახიძე - Sputnik საქართველო, 1920, 09.11.2026
გამოწერა
7 ნოემბერს პოლონეთის ქალაქ კრაკოვში მამაკაცმა ავტომობილიდან გამვლელების მიმართ ცეცხლი გახსნა. სროლის შედეგად დაიღუპა ექვსი და დაშავდა 16 ადამიანი.
თბილისი, 9 ნოემბერი — Sputnik. საქართველოს პრემიერ-მინისტრმა ირაკლი კობახიძემ კრაკოვში მომხდარი ტრაგედიის გამო მწუხარება გამოთქვა და პოლონეთის მთავრობასა და ხალხს თანაგრძნობა გამოუცხადა.
7 ნოემბერს პოლონეთის ქალაქ კრაკოვში მამაკაცმა ავტომობილიდან გამვლელების მიმართ ცეცხლი გახსნა. სროლის შედეგად დაიღუპა ექვსი და დაშავდა 16 ადამიანი. პოლიციის ცნობით, თავდამსხმელი 24 წლის პოლონეთის მოქალაქეა.
„ღრმა მწუხარებას გამოვთქვამ კრაკოვში მომხდარი ტრაგედიის გამო. გულწრფელად ვუსამძიმრებ დაღუპულთა ოჯახებსა და ახლობლებს, დაშავებულებს კი სწრაფ გამოჯანმრთელებას ვუსურვებ. ამ მძიმე წუთებში საქართველო სოლიდარობას უცხადებს პოლონეთსა და პოლონელ ხალხს“, – ნათქვამია პრემიერის წერილში, რომელიც პლატფორმა X-ზე გამოქვეყნდა.
მომხდარი ტრაგედიის გამო, პოლონეთის მთავრობამ 8 და 9 ნოემბერი მთელი ქვეყნის მასშტაბით გლოვის დღეებად გამოაცხადა.
ყველა ახალი ამბავი
0