კვარაცხელიას არყოფნის პერიოდში საქართველოს ეროვნული ნაკრების კაპიტანი კაკაბაძე იქნება

© FB / World Championshipოთარ კაკაბაძე
ოთარ კაკაბაძე - Sputnik საქართველო, 1920, 09.11.2026
გამოწერა
სვანაძის თქმით, კვარაცხელიას ტრავმა, რომელიც 20 ოქტომბერს ჩემპიონთა ლიგის მატჩში მიიღო, გუნდისთვის დიდი დარტყმა იყო.
თბილისი, 9 ნოემბერი — Sputnik. ტრავმირებული ხვიჩა კვარაცხელიას არყოფნის პერიოდში საქართველოს ეროვნული საფეხბურთო ნაკრების კაპიტანი ოთარ კაკაბაძე იქნება, განაცხადა ეროვნული ნაკრების მთავარმა მწვრთნელმა რამაზ სვანაძემ მიხეილ მესხის სახელობის სტადიონზე გამართულ პრესკონფერენციაზე.
საქართველოს ეროვნული ნაკრები ნოემბერში ორ მატჩს გამართავს: 14 ნოემბერს ნაკრები თბილისში, მიხეილ მესხის სახელობის სტადიონზე უნგრეთს უმასპინძლებს, ხოლო 17 ნოემბერს უკრაინას სლოვაკეთის ქალაქ კოშიცეში დაუპირისპირდება.
„გუნდის კაპიტანი ხვიჩა კვარაცხელია რჩება, ვიცე-კაპიტნები კი ოთარ კიტეიშვილი და ოთარ კაკაბაძე იქნებიან. ვინაიდან კვარაცხელია და კიტეიშვილი გუნდის ნოემბრის მატჩებში მონაწილეობას ვერ მიიღებენ, კაპიტნის სამკლაურს კაკაბაძე გაიკეთებს“, - განაცხადა სვანაძემ.
მისი თქმით, კვარაცხელიას ტრავმა, რომელიც 20 ოქტომბერს ჩემპიონთა ლიგის მატჩში მიიღო, გუნდისთვის დიდი დარტყმა იყო.
„ჩვენ ყველანი მას ვუჭერთ მხარს და გვჯერა, რომ ის კიდევ უფრო ძლიერი დაბრუნდება. ჩვენ არ განვიხილავთ კვარაცხელიას პირდაპირ შეცვლას - გუნდმა უნდა ითამაშოს, რათა კოლექტიური ძალისხმევით კომპენსირება გაუწიოს მის არყოფნას“, - აღნიშნა სვანაძემ.
ნოემბრის მატჩებისთვის მთავარმა მწვრთნელმა რამდენიმე ახალწვეული გამოიძახა: ნოდარ ყალიჩავა („დინამო" ბათუმი), დავით კერესელიძე („დილა" გორი) და გიორგი მაისურაძე („პოლესიე" ჟიტომირი).
მწვრთნელის თქმით, ირაკლი აზაროვი ტრავმის შემდეგ გამოჯანმრთელდა და ეროვნული ნაკრების მატჩებისთვის მზადაა, საბა ხარებაშვილი კი ტრავმის გამო არ გამოიძახეს.
ყველა ახალი ამბავი
0