საქართველომ დაკარის ოლიმპიადაზე პირველი მედალი მოიპოვა

© Georgian National Olympic Committeeსაქართველო დაკარის ოლიმპიადაზე
საქართველო დაკარის ოლიმპიადაზე - Sputnik საქართველო, 1920, 08.11.2026
გამოწერა
ჯგუფურ ეტაპზე დავით მძევაშვილმა სამიდან ორი შეხვედრა მოიგო, ნახევარფინალი კი ირანელ ამირალი დომირკოლაესთან დათმო.
თბილისი, 8 ნოემბერი - Sputnik. საქართველომ დაკარის 2026 წლის ახალგაზრდულ ოლიმპიურ თამაშებზე პირველი მედალი მოიპოვა.
ქვიშის ჭიდაობაში დაკარის ახალგაზრდული ოლიმპიადის ბრინჯაოს პრიზიორი დავით მძევაშვილი (60 კგ) გახდა - ქართველმა სპორტსმენმა სენეგალელი ბაბაკარ მბაიე დაამარცხა და საქართველოს დაკარის ოლიმპიადაზე პირველი მედალი მოუპოვა.
ჯგუფურ ეტაპზე დავით მძევაშვილმა სამიდან ორი შეხვედრა მოიგო, ნახევარფინალი კი ირანელ ამირალი დომირკოლაესთან დათმო.
ოლიმპიადის მეოთხედფინალში იასპარეზებს ქართველი მოკრივე ემილ ისმაილოვი (55 კგ). მან პირველ შეხვედრაში დომინიკელი მაიკლ რეიესი ანგარიშით 4:1 დაამარცხა - ნახევარფინალის საგზურისთვის ისმაილოვი ლიბანელ რამზი ჰილალს დღეს დაუპირისპირდება.
საქართველოს დელეგაციიდან ოლიმპიადაზე ასპარეზობა დაასრულა მშვილდოსანმა დავით ბასილაძემ. მან კანადელ იაშვირ ბეინსთან მეთექვსმეტედფინალი ანგარიშით 5:6 დათმო.
გარდა ამისა, მოჭიდავეებიდან ოლიმპიადას გამოეთიშა ბოგდან კვანტალიანი (80 კგ), ქვიშის ჭიდაობაში მან ჯგუფური ეტაპის დაძლევა ვერ შეძლო.
ყველა ახალი ამბავი
0