იმპორტის გადასახადებისგან თავის არიდება: სამი პირი დააკავეს, 16-ს კი ბრალი წარუდგინეს

© Investigation Service of Ministry of Finance of Georgia Officialფინანსთა სამინისტროს საგამოძიებო სამსახური
ფინანსთა სამინისტროს საგამოძიებო სამსახური - Sputnik საქართველო, 1920, 02.11.2026
გამოწერა
დანაშაულებრივი სქემის შედეგად სახელმწიფო ბიუჯეტს 548,809 ლარზე მეტი ზიანი მიადგა.
თბილისი, 2 ნოემბერი — Sputnik. სამართალდამცველებმა ავტომობილების რეექსპორტის გზით იმპორტის გადასახადებისგან თავის არიდების ფაქტი გამოავლინეს - დაკავებულია სამი პირი, 16 პირს ბრალდება წარედგინა, ნათქვამია ფინანსთა სამინისტროს საგამოძიებო სამსახურის განცხადებაში.
უწყების ცნობით, დანაშაულებრივი სქემის შედეგად სახელმწიფო ბიუჯეტს 548,809 ლარზე მეტი ზიანი მიადგა.
გამოძიებით დადგინდა, რომ 2025-2026 წლებში ორგანიზებული ჯგუფის წევრები ყალბი დოკუმენტების გამოყენებით ავტომობილებს რეექსპორტის რეჟიმში ფიქტიურად აფორმებდნენ. ამ სქემაში მათ უცხო ქვეყნის 15 მოქალაქეც ჩართეს, რომლებსაც აღნიშნული მოქმედებების სანაცვლოდ ანაზღაურებას უხდიდნენ.
სქემის ფარგლებში, ჯამში, 138 ავტომობილი რეექსპორტის რეჟიმში მოაქციეს, თუმცა კანონით დადგენილ ვადაში მათ საქართველოს ტერიტორია არ დატოვეს. ასეთ შემთხვევაში ავტომობილები იმპორტის პროცედურაში მოქცეულად ითვლება და შესაბამისი გადასახადები უნდა გადაიხადონ.
გამოძიება მიმდინარეობს სსკ-ის 210-ე და 185-ე მუხლებით, რაც 4-დან 7 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0