https://sputnik-georgia.com/20261028/tbilisi-filmebis-pestivals-maspinzlobs-301405040.html
თბილისი საარქივო ფილმების მეხუთე საერთაშორისო ფესტივალს მასპინძლობს
თბილისი საარქივო ფილმების მეხუთე საერთაშორისო ფესტივალს მასპინძლობს
Sputnik საქართველო
28-30 ოქტომბერს მაყურებელი სხვადასხვა ქვეყნის 12 კინოინსტიტუციის ციფრულად რესტავრირებულ საარქივო ფილმებს იხილავს. 28.10.2026-ს, Sputnik საქართველო
2026-10-28T19:00+0400
2026-10-28T19:00+0400
2026-10-28T19:00+0400
საქართველო
საქართველოს ეროვნული კინოცენტრი
არქივი
საზოგადოება
კულტურა საქართველოში
ახალი ამბები
https://cdnn1.img.sputnik-georgia.com/img/22796/35/227963592_0:159:3077:1890_1920x0_80_0_0_6ce290c7607acbd5a538b245ffdc6523.jpg
თბილისი, 28 ოქტომბერი — Sputnik. იუსტიციის სამინისტროს ეროვნული არქივის კინოთეატრში თბილისის საარქივო ფილმების საერთაშორისო ფესტივალი წელს მეხუთედ გაიხსნა, ნათქვამია უწყების მიერ გავრცელებულ განცხადებაში. ღონისძიების თემაა „აღდგენილი მეხსიერება: არქივები ტექნოლოგიების ეპოქაში“. 28, 29 და 30 ოქტომბერს მაყურებელი სხვადასხვა ქვეყნის 12 კინოინსტიტუციის ციფრულად რესტავრირებულ საარქივო ფილმებს იხილავს. წარმოდგენილი იქნება საქართველოს, მალტის, ესპანეთის, ესტონეთის, პორტუგალიის, უნგრეთის, ბულგარეთის, ხორვატიის, საფრანგეთის კინოპროგრამები. ფესტივალი ეროვნული არქივის ჩვენებით, თენგიზ აბულაძისა და რეზო ჩხეიძის მხატვრული ფილმით „მაგდანას ლურჯა“ გაიხსნა. 1955 წელს გადაღებულმა ფილმმა 1956 წელს კანის საერთაშორისო კინოფესტივალზე საუკეთესო მოკლემეტრაჟიანი მხატვრული ფილმის ნომინაციაში პრიზი მოიპოვა. „მაგდანას ლურჯას“ ციფრული რესტავრაცია ეროვნულ არქივში 2026 წელს განხორციელდა. წელს პირველად თბილისის საარქივო ფილმების საერთაშორისო ფესტივალს ჰყავს „საპატიო სტუმარი“ საფრანგეთის კინოთეკა. ფრანგული კინოინსტიტუციის პროგრამის კურატორი პოლინ დე რეიმონი თბილისს საქართველოს კინემატოგრაფიის ეროვნული ცენტრის მოწვევით სტუმრობს. ფესტივალის განმავლობაში ის ქართველ მაყურებელს 1928-1964 წლებში გადაღებულ სამ ფრანგულ მხატვრულ ფილმს წარუდგენს. ღონისძიებაზე ასევე ნაჩვენები იქნება საქართველოს კინემატოგრაფიის ეროვნული ცენტრისა და აჭარის მუზეუმის ბათუმის სულიკო ჟღენტის სახელობის კინოს მუზეუმის პროგრამები. თბილისის საარქივო ფილმების V საერთაშორისო ფესტივალი 30 ოქტომბერს დაიხურება. კინოჩვენებებზე დასწრება თავისუფალია. საქართველოს ეროვნულმა არქივმა თბილისის საარქივო ფილმების საერთაშორისო ფესტივალი 2022 წელს დააფუძნა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეროვნული კინოცენტრი, არქივი , საზოგადოება, კულტურა საქართველოში, ახალი ამბები
საქართველო, საქართველოს ეროვნული კინოცენტრი, არქივი , საზოგადოება, კულტურა საქართველოში, ახალი ამბები
თბილისი საარქივო ფილმების მეხუთე საერთაშორისო ფესტივალს მასპინძლობს
28-30 ოქტომბერს მაყურებელი სხვადასხვა ქვეყნის 12 კინოინსტიტუციის ციფრულად რესტავრირებულ საარქივო ფილმებს იხილავს.
თბილისი, 28 ოქტომბერი — Sputnik. იუსტიციის სამინისტროს ეროვნული არქივის კინოთეატრში თბილისის საარქივო ფილმების საერთაშორისო ფესტივალი წელს მეხუთედ გაიხსნა, ნათქვამია უწყების მიერ გავრცელებულ განცხადებაში.
ღონისძიების თემაა „აღდგენილი მეხსიერება: არქივები ტექნოლოგიების ეპოქაში“. 28, 29 და 30 ოქტომბერს მაყურებელი სხვადასხვა ქვეყნის 12 კინოინსტიტუციის ციფრულად რესტავრირებულ საარქივო ფილმებს იხილავს. წარმოდგენილი იქნება საქართველოს, მალტის, ესპანეთის, ესტონეთის, პორტუგალიის, უნგრეთის, ბულგარეთის, ხორვატიის, საფრანგეთის კინოპროგრამები.
ფესტივალი ეროვნული არქივის ჩვენებით, თენგიზ აბულაძისა და რეზო ჩხეიძის მხატვრული ფილმით „მაგდანას ლურჯა“ გაიხსნა. 1955 წელს გადაღებულმა ფილმმა 1956 წელს კანის საერთაშორისო კინოფესტივალზე საუკეთესო მოკლემეტრაჟიანი მხატვრული ფილმის ნომინაციაში პრიზი მოიპოვა. „მაგდანას ლურჯას“ ციფრული რესტავრაცია ეროვნულ არქივში 2026 წელს განხორციელდა.
წელს პირველად თბილისის საარქივო ფილმების საერთაშორისო ფესტივალს ჰყავს „საპატიო სტუმარი“ საფრანგეთის კინოთეკა. ფრანგული კინოინსტიტუციის პროგრამის კურატორი პოლინ დე რეიმონი თბილისს საქართველოს კინემატოგრაფიის ეროვნული ცენტრის მოწვევით სტუმრობს. ფესტივალის განმავლობაში ის ქართველ მაყურებელს 1928-1964 წლებში გადაღებულ სამ ფრანგულ მხატვრულ ფილმს წარუდგენს.
ღონისძიებაზე ასევე ნაჩვენები იქნება საქართველოს კინემატოგრაფიის ეროვნული ცენტრისა და აჭარის მუზეუმის ბათუმის სულიკო ჟღენტის სახელობის კინოს მუზეუმის პროგრამები.
თბილისის საარქივო ფილმების V საერთაშორისო ფესტივალი 30 ოქტომბერს დაიხურება. კინოჩვენებებზე დასწრება თავისუფალია.
საქართველოს ეროვნულმა არქივმა თბილისის საარქივო ფილმების საერთაშორისო ფესტივალი 2022 წელს დააფუძნა.
