https://sputnik-georgia.com/20261027/rustavi-tbiliss-axali-avtobusebit-daukavshirdeba-301395188.html
მთავრობა რუსთავი-თბილისის მარშრუტზე 70 ახალ ავტობუსს შეიძენს
მთავრობა რუსთავი-თბილისის მარშრუტზე 70 ახალ ავტობუსს შეიძენს
Sputnik საქართველო
სატენდერო დოკუმენტაციის თანახმად, შესყიდვის საგანს წარმოადგენს M3 კატეგორიის, ქარხნული წარმოების, პირველი კლასის დაბალიატაკიანი საქალაქო ავტობუსები. 27.10.2026-ს, Sputnik საქართველო
2026-10-27T23:00+0400
2026-10-27T23:00+0400
2026-10-27T23:07+0400
საქართველო
რუსთავი
ტრანსპორტი საქართველოში
თბილისი დღეს
ახალი ამბები
საზოგადოება
https://cdnn1.img.sputnik-georgia.com/img/07e7/0c/0e/284955144_0:107:2048:1259_1920x0_80_0_0_71736181fc2f23d39ae46bfa791b2ca9.jpg
თბილისი, 27 ოქტომბერი — Sputnik. საქართველოს მთავრობამ რუსთავი–თბილისის მარშრუტისთვის 70 ავტობუსის შესყიდვაზე ტენდერი გამოაცხადა, ნათქვამია სახელმწიფო შესყიდვების პორტალზე გავრცელებულ ინფორმაციაში.შესყიდვის საორიენტაციო ღირებულება 36,5 მილიონ ლარს შეადგენს. ტენდერში მონაწილეობის მისაღებად განაცხადების მიღება 29 ოქტომბერს დაიწყება და 30 ოქტომბერს, 16:00 საათზე დასრულდება.სატენდერო დოკუმენტაციის თანახმად, შესყიდვის ობიექტია ქარხნული წარმოების, M3 კატეგორიის, პირველი კლასის დაბალიატაკიანი (Low Floor) საქალაქო ავტობუსები.ავტობუსები გამოშვებული უნდა იყოს 2026 წელს, ხოლო მათი გარბენი მოწოდების მომენტისთვის არ უნდა აღემატებოდეს 2 ათას კილომეტრს. ყველა ავტობუსი უნდა იყოს ერთი მარკისა და მოდელის, მარცხენასაჭიანი მართვით, განბაჟებული, ნივთობრივად და უფლებრივად უნაკლო.სატრანსპორტო საშუალების სიგრძე უნდა შეადგენდეს არანაკლებ 8 და არაუმეტეს 9 მეტრს, ხოლო სიმაღლე — არანაკლებ 2,8 მეტრს.თითოეული ავტობუსი გათვლილი უნდა იყოს მძღოლის გარდა არანაკლებ 50 მგზავრზე (მათ შორის არანაკლებ 21-25 სტანდარტული დასაჯდომი ადგილი, საიდანაც მაქსიმუმ 4 გადმოსაშლელი სკამია) და ადაპტირებული უნდა იყოს შშმ პირებზე.სატენდერო დოკუმენტაციის მიხედვით, ტრანსპორტი აღჭურვილი უნდა იყოს დიზელის ძრავით (არანაკლებ Euro 5 ემისიის სტანდარტის), რომლის სიმძლავრეც იქნება არანაკლებ 130 კვტ, ხოლო საწვავის ავზის ტევადობა — არანაკლებ 130 ლიტრი.ტენდერის პირობების თანახმად, გამარჯვებულმა კომპანიამ ავტობუსები ქალაქ რუსთავს კონტრაქტის გაფორმებიდან 240 კალენდარული დღის განმავლობაში ეტაპობრივად უნდა მიაწოდოს.
საქართველო
რუსთავი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, რუსთავი, ტრანსპორტი საქართველოში, თბილისი დღეს, ახალი ამბები, საზოგადოება
საქართველო, რუსთავი, ტრანსპორტი საქართველოში, თბილისი დღეს, ახალი ამბები, საზოგადოება
მთავრობა რუსთავი-თბილისის მარშრუტზე 70 ახალ ავტობუსს შეიძენს
23:00 27.10.2026 (განახლებულია: 23:07 27.10.2026) სატენდერო დოკუმენტაციის თანახმად, შესყიდვის საგანს წარმოადგენს M3 კატეგორიის, ქარხნული წარმოების, პირველი კლასის დაბალიატაკიანი საქალაქო ავტობუსები.
თბილისი, 27 ოქტომბერი — Sputnik. საქართველოს მთავრობამ რუსთავი–თბილისის მარშრუტისთვის 70 ავტობუსის შესყიდვაზე ტენდერი გამოაცხადა, ნათქვამია სახელმწიფო შესყიდვების პორტალზე გავრცელებულ ინფორმაციაში.
შესყიდვის საორიენტაციო ღირებულება 36,5 მილიონ ლარს შეადგენს. ტენდერში მონაწილეობის მისაღებად განაცხადების მიღება 29 ოქტომბერს დაიწყება და 30 ოქტომბერს, 16:00 საათზე დასრულდება.
სატენდერო დოკუმენტაციის თანახმად, შესყიდვის ობიექტია ქარხნული წარმოების, M3 კატეგორიის, პირველი კლასის დაბალიატაკიანი (Low Floor) საქალაქო ავტობუსები.
ავტობუსები გამოშვებული უნდა იყოს 2026 წელს, ხოლო მათი გარბენი მოწოდების მომენტისთვის არ უნდა აღემატებოდეს 2 ათას კილომეტრს. ყველა ავტობუსი უნდა იყოს ერთი მარკისა და მოდელის, მარცხენასაჭიანი მართვით, განბაჟებული, ნივთობრივად და უფლებრივად უნაკლო.
სატრანსპორტო საშუალების სიგრძე უნდა შეადგენდეს არანაკლებ 8 და არაუმეტეს 9 მეტრს, ხოლო სიმაღლე — არანაკლებ 2,8 მეტრს.
თითოეული ავტობუსი გათვლილი უნდა იყოს მძღოლის გარდა არანაკლებ 50 მგზავრზე (მათ შორის არანაკლებ 21-25 სტანდარტული დასაჯდომი ადგილი, საიდანაც მაქსიმუმ 4 გადმოსაშლელი სკამია) და ადაპტირებული უნდა იყოს შშმ პირებზე.
სატენდერო დოკუმენტაციის მიხედვით, ტრანსპორტი აღჭურვილი უნდა იყოს დიზელის ძრავით (არანაკლებ Euro 5 ემისიის სტანდარტის), რომლის სიმძლავრეც იქნება არანაკლებ 130 კვტ, ხოლო საწვავის ავზის ტევადობა — არანაკლებ 130 ლიტრი.
ტენდერის პირობების თანახმად, გამარჯვებულმა კომპანიამ ავტობუსები ქალაქ რუსთავს კონტრაქტის გაფორმებიდან 240 კალენდარული დღის განმავლობაში ეტაპობრივად უნდა მიაწოდოს.
