https://sputnik-georgia.com/20261017/vatikansi-katolikos-patriarq-ilia-meoris-xsovnisadmi-mizrvnili-koncerti-gaimarta-301205306.html
ვატიკანში კათოლიკოს-პატრიარქ ილია მეორის ხსოვნისადმი მიძღვნილი კონცერტი გაიმართა
ვატიკანში კათოლიკოს-პატრიარქ ილია მეორის ხსოვნისადმი მიძღვნილი კონცერტი გაიმართა
Sputnik საქართველო
წმინდა აგათას ბაზილიკაში გამართულ საღამოს ესწრებოდნენ იტალიაში აკრედიტებული 30 ქვეყნიდან დიპლომატები ესწრებოდნენ, პროგრამის ფარგლებში მოეწყო ფოტოგამოფენა... 17.10.2026-ს, Sputnik საქართველო
2026-10-17T12:20+0400
2026-10-17T12:20+0400
2026-10-17T12:20+0400
ახალი ამბები
საქართველო
ვატიკანი
სრულიად საქართველოს კათოლიკოს–პატრიარქი ილია მეორე
რელიგია
კულტურა საქართველოში
https://cdnn1.img.sputnik-georgia.com/img/07ea/0a/11/301203790_0:118:2048:1270_1920x0_80_0_0_258bce83760592638232040822972c7d.jpg
თბილისი, 17 ოქტომბერი — Sputnik. ვატიკანში, წმინდა აგათას ტაძარში, ბათუმის სახელმწიფო მუსიკალური ცენტრის კაპელას სოლო კონცერტი გაიმართა, რომელიც საქართველოს კათოლიკოს პატრიარქის უწმინდესისა და უნეტარესის, ილია II-ის ხსოვნას მიეძღვნა. აჭარის კულტურის სამინისტროს ინფორმაციით, კაპელას შესრულებამ მსმენელზე განსაკუთრებული შთაბეჭდილება მოახდინა და ქართული მუსიკალური კულტურის მიმართ დიდი ინტერესი გამოიწვია. კონცერტმა ანშლაგით ჩაიარა.ღონისძიება აჭარის მთავრობის მხარდაჭერით და აჭარის კულტურის სამინისტროსა და წმინდა საყდართან საქართველოს საელჩოს თანამშრომლობით გაიმართა. ღონისძიება მიზნად ისახავდა პატრიარქ ილია II-ის ღვაწლის კიდევ ერთხელ წარმოჩენასა და მისი ხსოვნის უკვდავყოფას, საერთაშორისო დონეზე ქართული კულტურის პოპულარიზაციას, მდიდარი მუსიკალური ტრადიციების წარმოჩენას, უნიკალური ქართული მრავალხმიანობისა და საგუნდო ხელოვნების, ასევე, ქართველ კომპოზიტორთა შემოქმედების გაცნობას.წმინდა აგათას ბაზილიკაში გამართულ ქართულ მუსიკალურ საღამოს ესწრებოდნენ იტალიაში აკრედიტებული 30 ქვეყნის დიპლომატიური კორპუსის წარმომადგენლები, მოწვეული სტუმრები და იტალიაში მცხოვრები ქართული დიასპორა.დამსწრე საზოგადოებას სიტყვით მიმართეს წმინდა საყდართან საქართველოს საგანგებო და სრულუფლებიანმა ელჩმა დავით მექვაბიშვილმა, აღმოსავლეთის ეკლესიების დიკასტერიის პრეფექტმა, პონტიფიკური აღმოსავლეთის ინსტიტუტის კანცლერმა, კარდინალმა კლაუდიო გუჯეროტიმ, აჭარის კულტურის მინისტრის მოადგილემ, ბადრი ნაკაშიძემ. საღამოს უძღვებოდა საელჩოს უფროსი მრჩეველი თეა ჭანტურიშვილი.ყურადღება დაეთმო საქართველო-ვატიკანს შორის არსებულ მრავალწლიან კულტურულ ურთიერთობებს, კულტურული დიპლომატიის მნიშვნელობასა და მსგავსი ღონისძიებების როლს ქვეყნებს შორის მეგობრული კავშირების გაღრმავების, კულტურათაშორისი დიალოგისა და ქართული კულტურული მემკვიდრეობის საერთაშორისო მასშტაბით წარმოჩენის პროცესში.საღამოზე, ბათუმის სახელმწიფო მუსიკალური ცენტრის კაპელამ ააჟღერა ცნობილი ქართველი და უცხოელი კომპოზიტორების საგუნდო ნაწარმოებები, შესრულდა პატრიარქ ილია II-ის საგალობლები.პროგრამის ფარგლებში მოეწყო ფოტო გამოფენა, რომელიც ასახავს საქართველოს კათოლიკოს-პატრიარქის, ილია II-ის შეხვედრებს რომის პაპებთან: იოანე პავლე II-სა და ფრანცისკესთან, საქართველოში მათი ვიზიტების დროს.
საქართველო
ვატიკანი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ვატიკანი , სრულიად საქართველოს კათოლიკოს–პატრიარქი ილია მეორე, რელიგია, კულტურა საქართველოში
ახალი ამბები, საქართველო, ვატიკანი , სრულიად საქართველოს კათოლიკოს–პატრიარქი ილია მეორე, რელიგია, კულტურა საქართველოში
ვატიკანში კათოლიკოს-პატრიარქ ილია მეორის ხსოვნისადმი მიძღვნილი კონცერტი გაიმართა
წმინდა აგათას ბაზილიკაში გამართულ საღამოს ესწრებოდნენ იტალიაში აკრედიტებული 30 ქვეყნიდან დიპლომატები ესწრებოდნენ, პროგრამის ფარგლებში მოეწყო ფოტოგამოფენა, რომელიც ასახავს პატრიარქის შეხვედრებს რომის პაპებთან
თბილისი, 17 ოქტომბერი — Sputnik. ვატიკანში, წმინდა აგათას ტაძარში, ბათუმის სახელმწიფო მუსიკალური ცენტრის კაპელას სოლო კონცერტი გაიმართა, რომელიც საქართველოს კათოლიკოს პატრიარქის უწმინდესისა და უნეტარესის, ილია II-ის ხსოვნას მიეძღვნა.
აჭარის კულტურის სამინისტროს ინფორმაციით, კაპელას შესრულებამ მსმენელზე განსაკუთრებული შთაბეჭდილება მოახდინა და ქართული მუსიკალური კულტურის მიმართ დიდი ინტერესი გამოიწვია. კონცერტმა ანშლაგით ჩაიარა.
ღონისძიება აჭარის მთავრობის მხარდაჭერით და აჭარის კულტურის სამინისტროსა და წმინდა საყდართან საქართველოს საელჩოს თანამშრომლობით გაიმართა. ღონისძიება მიზნად ისახავდა პატრიარქ ილია II-ის ღვაწლის კიდევ ერთხელ წარმოჩენასა და მისი ხსოვნის უკვდავყოფას, საერთაშორისო დონეზე ქართული კულტურის პოპულარიზაციას, მდიდარი მუსიკალური ტრადიციების წარმოჩენას, უნიკალური ქართული მრავალხმიანობისა და საგუნდო ხელოვნების, ასევე, ქართველ კომპოზიტორთა შემოქმედების გაცნობას.
წმინდა აგათას ბაზილიკაში გამართულ ქართულ მუსიკალურ საღამოს ესწრებოდნენ იტალიაში აკრედიტებული 30 ქვეყნის დიპლომატიური კორპუსის წარმომადგენლები, მოწვეული სტუმრები და იტალიაში მცხოვრები ქართული დიასპორა.
დამსწრე საზოგადოებას სიტყვით მიმართეს წმინდა საყდართან საქართველოს საგანგებო და სრულუფლებიანმა ელჩმა დავით მექვაბიშვილმა, აღმოსავლეთის ეკლესიების დიკასტერიის პრეფექტმა, პონტიფიკური აღმოსავლეთის ინსტიტუტის კანცლერმა, კარდინალმა კლაუდიო გუჯეროტიმ, აჭარის კულტურის მინისტრის მოადგილემ, ბადრი ნაკაშიძემ. საღამოს უძღვებოდა საელჩოს უფროსი მრჩეველი თეა ჭანტურიშვილი.
ყურადღება დაეთმო საქართველო-ვატიკანს შორის არსებულ მრავალწლიან კულტურულ ურთიერთობებს, კულტურული დიპლომატიის მნიშვნელობასა და მსგავსი ღონისძიებების როლს ქვეყნებს შორის მეგობრული კავშირების გაღრმავების, კულტურათაშორისი დიალოგისა და ქართული კულტურული მემკვიდრეობის საერთაშორისო მასშტაბით წარმოჩენის პროცესში.
საღამოზე, ბათუმის სახელმწიფო მუსიკალური ცენტრის კაპელამ ააჟღერა ცნობილი ქართველი და უცხოელი კომპოზიტორების საგუნდო ნაწარმოებები, შესრულდა პატრიარქ ილია II-ის საგალობლები.
პროგრამის ფარგლებში მოეწყო ფოტო გამოფენა, რომელიც ასახავს საქართველოს კათოლიკოს-პატრიარქის, ილია II-ის შეხვედრებს რომის პაპებთან: იოანე პავლე II-სა და ფრანცისკესთან, საქართველოში მათი ვიზიტების დროს.
