https://sputnik-georgia.com/20261017/kobaxize-evrokomisiis-axali-angarisi-saqartvelos-sesaxeb-winas-msgavsi-iqneba-301209961.html
კობახიძე: ევროკომისიის ახალი ანგარიში საქართველოს შესახებ წინას მსგავსი იქნება
კობახიძე: ევროკომისიის ახალი ანგარიში საქართველოს შესახებ წინას მსგავსი იქნება
Sputnik საქართველო
პრემიერ-მინისტრმა ევროკავშირს შესთავაზა, პოლიტიკურ დონეზე ღია, საჯარო დიალოგი დაიწყოს, რათა ურთიერთობები გაჯანსაღდეს 17.10.2026-ს, Sputnik საქართველო
2026-10-17T18:44+0400
2026-10-17T18:44+0400
2026-10-17T18:44+0400
ახალი ამბები
საქართველო
პოლიტიკა საქართველოში
საქართველოს საგარეო პოლიტიკა
პოლიტიკა
ირაკლი კობახიძე
საქართველოს პრემიერ–მინისტრი
ევროკომისია
საქართველო-ევროკავშირის ურთიერთობები
https://cdnn1.img.sputnik-georgia.com/img/07e7/0b/08/284081516_0:161:3068:1887_1920x0_80_0_0_aac72d42945a448c97b8033195105d4c.jpg
თბილისი, 17 ოქტომბერი — Sputnik. ევროკომისიის ანგარიში ევროკავშირის გაფართოების შესახებ წინას მსგავსი იქნება, რადგან საქართველოს მიმართ მიდგომა უცვლელი დარჩა, განაცხადა საქართველოს პრემიერ-მინისტრმა ირაკლი კობახიძემ.ევროკომისია ნოემბერში წარადგენს გაფართოების ყოველწლიურ პაკეტსა და ანგარიშს, რომელშიც შეფასებულია კანდიდატი ქვეყნები და მათი პროგრესი რეფორმების კუთხით. წინა ანგარიში საქართველოს შესახებ მკვეთრად ნეგატიური იყო.მისი თქმით, საქართველოს მიმართ მიდგომა არ შეცვლილა. „ჩვენ ვხედავთ, რომ არის ორმაგი სტანდარტი, უსამართლო დამოკიდებულება ქართველი ხალხის მიმართ, რაც ჯერჯერობით არ შეცვლილა. აქედან გამომდინარე, ჩვენ არ ვფიქრობთ, რომ რაიმე გაუმჯობესებას უნდა ველოდოთ, რაც სამწუხარო რეალობაა“, – განაცხადა კობახიძემ.ამასთან პრემიერმა ისაუბრა იმაზე, თუ რას ელოდება საქართველოს ხელისუფლება ევროკავშირისგან ურთიერთობების გაჯანსაღებისთვის.„გვაქვს ძალიან მკაფიო და მარტივი შეთავაზება – დავიწყოთ დიალოგი. ეს დიალოგი, ჩვენი წარმოდგენით, უნდა იყოს წარმართული პოლიტიკურ დონზე, რადგან საბოლოო ჯამში პოლიტიკოსები იღებენ გადაწყვეტილებებს როგორც ერთ, ისე მეორე მხარეს. პრინციპულად მნიშვნელოვანია, რომ პოლიტიკურ დონეზე დაიწყოს ეს დიალოგი. მეორე, რაც ჩვენთვის პრინციპული და მნიშვნელოვანია, დიალოგი და დისკუსია უნდა იყოს ღია, საჯარო, მათ შორის ქართველი საზოგადოებისთვის“, - განაცხადა კობახიძემ.მან ამ წინადადებას აბსოლუტურად იდეალური უწოდა. საქართველო და ევროკავშირისაქართველომ 2023 წლის დეკემბერში ევროკავშირის კანდიდატის სტატუსი მიიღო. კანდიდატის სტატუსის მიღებამდე ქვეყანამ ევროკავშირთან ასოცირების შესახებ შეთანხმებას მოაწერა ხელი - საქართველოს მოქალაქეებისთვის უვიზო რეჟიმი 2017 წელს ამოქმედდა.კანდიდატის სტატუსთან ერთად, საქართველომ მიიღო ცხრა ახალი პირობა, რომელიც ქვეყანამ უნდა შეასრულოს გაწევრიანების თაობაზე მოლაპარაკებების დასაწყებად. მათ შორისაა პოლარიზაციის დაძლევა, დეოლიგარქიზაცია, თავისუფალი და კონკურენტული არჩევნების უზრუნველყოფა და სხვა.2024 წელს „უცხოური გავლენის გამჭვირვალობის შესახებ" და „ოჯახური ღირებულებებისა და არასრულწლოვანთა დაცვის შესახებ“ კანონების მიღების საპასუხოდ, ევროკავშირმა შეაჩერა საქართველოში მაღალი დონის ვიზიტები და ყველა მაღალი დონის შეხვედრა საქართველოს ხელისუფლების წარმომადგენლებთან ბრიუსელში, ასევე შეაჩერა ფინანსური დახმარება და, ფაქტობრივად, ქვეყნის ევროინტეგრაცია.ამ გადაწყვეტილებების შემდეგ, 2024 წლის 28 ნოემბერს, საქართველოს ხელისუფლებამ ქვეყნის ევროკავშირში გაწევრიანებაზე მოლაპარაკებების დაწყების 2028 წლამდე დღის წესრიგიდან ამოღების შესახებ განაცხადა.ამის პასუხად დასავლეთმა საქართველოს ხელისუფლება დემოკრატიის გზიდან გადახვევაში დაადანაშაულა და მოუწოდა „ევროკავშირის გზაზე დაუყოვნებლად დაბრუნებისკენ“, 2025 წლის 27 იანვარს კი ქართული დიპლომატიური და სამსახურებრივი პასპორტების მფლობელებისთვის უვიზო რეჟიმი შეაჩერა.2025 წლის ივლისში ევროკომისიამ საქართველოს საგარეო საქმეთა სამინისტროს წერილი გამოუგზავნა, რომლის თანახმად, თუ საქართველოს მთავრობა არ შეასრულებს გარკვეულ პირობებს, რომლებიც უკავშირდება კანონებს „უცხოელი აგენტების შესახებ“ და „ლგბტ პროპაგანდის შესახებ“, უვიზო რეჟიმი რიგითი მოქალაქეებისთვისაც შეჩერდება. ხელისუფლება ამ პირობებს არარეალურს უწოდებს და დარწმუნებულია, რომ უვიზო რეჟიმი არ შეჩერდება.2026 წლის 6 მარტს ევროკომისიამ შეაჩერა უვიზო მიმოსვლა საქართველოს დიპლომატიური, სამსახურებრივი და ოფიციალური პასპორტების მფლობელებისთვის და განაცხადა, რომ შეზღუდვებს ქვეყნის ყველა მოქალაქეზე გაავრცელებდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, პოლიტიკა საქართველოში, საქართველოს საგარეო პოლიტიკა, პოლიტიკა, ირაკლი კობახიძე, საქართველოს პრემიერ–მინისტრი, ევროკომისია, საქართველო-ევროკავშირის ურთიერთობები
ახალი ამბები, საქართველო, პოლიტიკა საქართველოში, საქართველოს საგარეო პოლიტიკა, პოლიტიკა, ირაკლი კობახიძე, საქართველოს პრემიერ–მინისტრი, ევროკომისია, საქართველო-ევროკავშირის ურთიერთობები
კობახიძე: ევროკომისიის ახალი ანგარიში საქართველოს შესახებ წინას მსგავსი იქნება
პრემიერ-მინისტრმა ევროკავშირს შესთავაზა, პოლიტიკურ დონეზე ღია, საჯარო დიალოგი დაიწყოს, რათა ურთიერთობები გაჯანსაღდეს
თბილისი, 17 ოქტომბერი — Sputnik. ევროკომისიის ანგარიში ევროკავშირის გაფართოების შესახებ წინას მსგავსი იქნება, რადგან საქართველოს მიმართ მიდგომა უცვლელი დარჩა, განაცხადა საქართველოს პრემიერ-მინისტრმა ირაკლი კობახიძემ.
ევროკომისია ნოემბერში წარადგენს გაფართოების ყოველწლიურ პაკეტსა და ანგარიშს, რომელშიც შეფასებულია კანდიდატი ქვეყნები და მათი პროგრესი რეფორმების კუთხით. წინა ანგარიში საქართველოს შესახებ მკვეთრად ნეგატიური იყო.
„ევროკავშირის გაფართოებასთან დაკავშირებით ევროკომისიის მორიგი ანგარიში ალბათ წინას მსგავსი იქნება, ჩვენ ვერ ვხედავთ რაიმე არსებით ცვლილებას ევროკომისიის მიდგომებში, რაც ძალიან სამწუხაროა“, - განაცხადა კობახიძემ.
მისი თქმით, საქართველოს მიმართ მიდგომა არ შეცვლილა. „ჩვენ ვხედავთ, რომ არის ორმაგი სტანდარტი, უსამართლო დამოკიდებულება ქართველი ხალხის მიმართ, რაც ჯერჯერობით არ შეცვლილა. აქედან გამომდინარე, ჩვენ არ ვფიქრობთ, რომ რაიმე გაუმჯობესებას უნდა ველოდოთ, რაც სამწუხარო რეალობაა“, – განაცხადა კობახიძემ.
ამასთან პრემიერმა ისაუბრა იმაზე, თუ რას ელოდება საქართველოს ხელისუფლება ევროკავშირისგან ურთიერთობების გაჯანსაღებისთვის.
„გვაქვს ძალიან მკაფიო და მარტივი შეთავაზება – დავიწყოთ დიალოგი. ეს დიალოგი, ჩვენი წარმოდგენით, უნდა იყოს წარმართული პოლიტიკურ დონზე, რადგან საბოლოო ჯამში პოლიტიკოსები იღებენ გადაწყვეტილებებს როგორც ერთ, ისე მეორე მხარეს. პრინციპულად მნიშვნელოვანია, რომ პოლიტიკურ დონეზე დაიწყოს ეს დიალოგი. მეორე, რაც ჩვენთვის პრინციპული და მნიშვნელოვანია, დიალოგი და დისკუსია უნდა იყოს ღია, საჯარო, მათ შორის ქართველი საზოგადოებისთვის“, - განაცხადა კობახიძემ.
მან ამ წინადადებას აბსოლუტურად იდეალური უწოდა.
„ურთიერთობების გაჯანსაღების სურვილი თუ არსებობს, ევროპული სტრუქტურების წარმომადგენლები იოლად უნდა დაეთანხმონ ჩვენს შეთავაზებას“, – აღნიშნა პრემიერ-მინისტრმა.
საქართველო და ევროკავშირი
საქართველომ 2023 წლის დეკემბერში ევროკავშირის კანდიდატის სტატუსი მიიღო. კანდიდატის სტატუსის მიღებამდე ქვეყანამ ევროკავშირთან ასოცირების შესახებ შეთანხმებას მოაწერა ხელი - საქართველოს მოქალაქეებისთვის უვიზო რეჟიმი 2017 წელს ამოქმედდა.
კანდიდატის სტატუსთან ერთად, საქართველომ მიიღო ცხრა ახალი პირობა, რომელიც ქვეყანამ უნდა შეასრულოს გაწევრიანების თაობაზე მოლაპარაკებების დასაწყებად. მათ შორისაა პოლარიზაციის დაძლევა, დეოლიგარქიზაცია, თავისუფალი და კონკურენტული არჩევნების უზრუნველყოფა და სხვა.
2024 წელს „უცხოური გავლენის გამჭვირვალობის შესახებ" და „ოჯახური ღირებულებებისა და არასრულწლოვანთა დაცვის შესახებ“ კანონების მიღების საპასუხოდ, ევროკავშირმა შეაჩერა საქართველოში მაღალი დონის ვიზიტები და ყველა მაღალი დონის შეხვედრა საქართველოს ხელისუფლების წარმომადგენლებთან ბრიუსელში, ასევე შეაჩერა ფინანსური დახმარება და, ფაქტობრივად, ქვეყნის ევროინტეგრაცია.
ამ გადაწყვეტილებების შემდეგ, 2024 წლის 28 ნოემბერს, საქართველოს ხელისუფლებამ ქვეყნის ევროკავშირში გაწევრიანებაზე მოლაპარაკებების დაწყების 2028 წლამდე დღის წესრიგიდან ამოღების შესახებ განაცხადა.
ამის პასუხად დასავლეთმა საქართველოს ხელისუფლება დემოკრატიის გზიდან გადახვევაში დაადანაშაულა და მოუწოდა „ევროკავშირის გზაზე დაუყოვნებლად დაბრუნებისკენ“, 2025 წლის 27 იანვარს კი ქართული დიპლომატიური და სამსახურებრივი პასპორტების მფლობელებისთვის უვიზო რეჟიმი შეაჩერა.
2025 წლის ივლისში ევროკომისიამ საქართველოს საგარეო საქმეთა სამინისტროს წერილი გამოუგზავნა, რომლის თანახმად, თუ საქართველოს მთავრობა არ შეასრულებს გარკვეულ პირობებს, რომლებიც უკავშირდება კანონებს „უცხოელი აგენტების შესახებ“ და „ლგბტ პროპაგანდის შესახებ“, უვიზო რეჟიმი რიგითი მოქალაქეებისთვისაც შეჩერდება. ხელისუფლება ამ პირობებს არარეალურს უწოდებს და დარწმუნებულია, რომ უვიზო რეჟიმი არ შეჩერდება.
2026 წლის 6 მარტს ევროკომისიამ შეაჩერა უვიზო მიმოსვლა საქართველოს დიპლომატიური, სამსახურებრივი და ოფიციალური პასპორტების მფლობელებისთვის და განაცხადა, რომ შეზღუდვებს ქვეყნის ყველა მოქალაქეზე გაავრცელებდა.
