https://sputnik-georgia.com/20261016/kulturis-ministri-maia-bitaze-sveticxovlis-sakatedro-tazarsi-arsebul-mdgomareobas-gaecno-301196222.html
კულტურის მინისტრი მაია ბითაძე სვეტიცხოვლის საკათედრო ტაძარში არსებულ მდგომარეობას გაეცნო
კულტურის მინისტრი მაია ბითაძე სვეტიცხოვლის საკათედრო ტაძარში არსებულ მდგომარეობას გაეცნო
Sputnik საქართველო
დაწყებულია ტაძრის კვლევით-სადიაგნოსტიკო პროგრამის შემუშავება და მულტიდისციპლინური კვლევითი სამუშაოების დაგეგმვის პროცესი, აცხადებენ კულტურის სამინისტროში 16.10.2026-ს, Sputnik საქართველო
2026-10-16T20:14+0400
2026-10-16T20:14+0400
2026-10-16T20:14+0400
ახალი ამბები
საქართველო
საქართველოს კულტურისა და სპორტის სამინისტრო
ქართული კულტურული მემკვიდრეობის ძეგლები
იუნესკო
https://cdnn1.img.sputnik-georgia.com/img/07ea/09/0f/300606792_0:218:2048:1370_1920x0_80_0_0_750317a6027b5841c05ac9f822deb4ce.jpg
თბილისი, 16 ოქტომბერი — Sputnik. კულტურის მინისტრი მაია ბითაძე სვეტიცხოვლის საკათედრო ტაძარში არსებულ მდგომარეობას და დაგეგმილ სამუშაოებზე ინფორმაციას ადგილზე გაეცნო. ინფორმაციას კულტურის სამინისტრო ავრცელებს.მინისტრთან ერთად იმყოფებოდნენ მინისტრის პირველი მოადგილე მიხეილ კიკნაძე, მოადგილე თამარ შარაშიძე, ასევე, კულტურული მემკვიდრეობის დაცვის ეროვნული სააგენტოს გენერალური დირექტორი ზაზა კვიციანი, გენერალური დირექტორის პირველი მოადგილე თეა ონიანი, სვეტიცხოვლის საპატრიარქო ტაძრის წინამძღვარი, არქიმანდრიტი სერაფიმე (ჭედია), საპატრიარქოს ფონდის „გაამწვანე საქართველო“ ხელმძღვანელი გოჩა აროშენიძე და პროცესში ჩართული მხარეები.სამინისტროს განცხადებით, ძეგლზე განსახორციელებელი კვლევითი და სარეაბილიტაციო სამუშაოები საერთაშორისო სტანდარტების დაცვით, საერთაშორისო ექსპერტებისა და ადგილობრივი სპეციალისტების ჩართულობით წარიმართება.კულტურის სამინისტროს მხარდაჭერით, კულტურული მემკვიდრეობის დაცვის ეროვნულმა სააგენტომ ხელშეკრულება ცნობილ იტალიურ საინჟინრო და სარესტავრაციო კომპანიასთან „სტუდიო ბერლუკისთან“ (Studio Berlucchi) გააფორმა. დაწყებულია ტაძრის კვლევით-სადიაგნოსტიკო პროგრამის შემუშავება და მულტიდისციპლინური კვლევითი სამუშაოების დაგეგმვის პროცესი.„სტუდიო ბერლუკი“ (Studio Berlucchi) კულტურული მემკვიდრეობის კონსერვაციის, რესტავრაციისა და ისტორიული ნაგებობების საინჟინრო კვლევების სფეროში მრავალწლიანი გამოცდილების მქონე ორგანიზაციაა. მისი საერთაშორისო პროექტები მოიცავს ვატიკანის წმინდა პეტრეს ბაზილიკას, ვენეციის თეატრს La Fenice, სიენის საკათედრო ტაძარს, აზერბაიჯანში შირვანშაჰებისა და შექის სასახლეებს, თურქეთის დივრიღის ისტორიულ კომპლექსს, ასევე, გელათის სამონასტრო კომპლექსს, სადაც კომპანია კონსერვაციის პროგრამის სამეცნიერო ზედამხედველობასა და კოორდინაციას ახორციელებდა.სვეტიცხოვლის საკათედრო ტაძარი, რომელიც იუნესკოს (UNESCO) მსოფლიო კულტურული მემკვიდრეობის ნუსხაშია შეტანილი, ქართული ხუროთმოძღვრების უმნიშვნელოვანეს ძეგლს წარმოადგენს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს კულტურისა და სპორტის სამინისტრო, ქართული კულტურული მემკვიდრეობის ძეგლები, იუნესკო
ახალი ამბები, საქართველო, საქართველოს კულტურისა და სპორტის სამინისტრო, ქართული კულტურული მემკვიდრეობის ძეგლები, იუნესკო
კულტურის მინისტრი მაია ბითაძე სვეტიცხოვლის საკათედრო ტაძარში არსებულ მდგომარეობას გაეცნო
დაწყებულია ტაძრის კვლევით-სადიაგნოსტიკო პროგრამის შემუშავება და მულტიდისციპლინური კვლევითი სამუშაოების დაგეგმვის პროცესი, აცხადებენ კულტურის სამინისტროში
თბილისი, 16 ოქტომბერი — Sputnik. კულტურის მინისტრი მაია ბითაძე სვეტიცხოვლის საკათედრო ტაძარში არსებულ მდგომარეობას და დაგეგმილ სამუშაოებზე ინფორმაციას ადგილზე გაეცნო. ინფორმაციას კულტურის სამინისტრო ავრცელებს.
მინისტრთან ერთად იმყოფებოდნენ მინისტრის პირველი მოადგილე მიხეილ კიკნაძე, მოადგილე თამარ შარაშიძე, ასევე, კულტურული მემკვიდრეობის დაცვის ეროვნული სააგენტოს გენერალური დირექტორი ზაზა კვიციანი, გენერალური დირექტორის პირველი მოადგილე თეა ონიანი, სვეტიცხოვლის საპატრიარქო ტაძრის წინამძღვარი, არქიმანდრიტი სერაფიმე (ჭედია), საპატრიარქოს ფონდის „გაამწვანე საქართველო“ ხელმძღვანელი გოჩა აროშენიძე და პროცესში ჩართული მხარეები.
სამინისტროს განცხადებით, ძეგლზე განსახორციელებელი კვლევითი და სარეაბილიტაციო სამუშაოები საერთაშორისო სტანდარტების დაცვით, საერთაშორისო ექსპერტებისა და ადგილობრივი სპეციალისტების ჩართულობით წარიმართება.
კულტურის სამინისტროს მხარდაჭერით, კულტურული მემკვიდრეობის დაცვის ეროვნულმა სააგენტომ ხელშეკრულება ცნობილ იტალიურ საინჟინრო და სარესტავრაციო კომპანიასთან „სტუდიო ბერლუკისთან“ (Studio Berlucchi) გააფორმა. დაწყებულია ტაძრის კვლევით-სადიაგნოსტიკო პროგრამის შემუშავება და მულტიდისციპლინური კვლევითი სამუშაოების დაგეგმვის პროცესი.
„სტუდიო ბერლუკი“ (Studio Berlucchi) კულტურული მემკვიდრეობის კონსერვაციის, რესტავრაციისა და ისტორიული ნაგებობების საინჟინრო კვლევების სფეროში მრავალწლიანი გამოცდილების მქონე ორგანიზაციაა. მისი საერთაშორისო პროექტები მოიცავს ვატიკანის წმინდა პეტრეს ბაზილიკას, ვენეციის თეატრს La Fenice, სიენის საკათედრო ტაძარს, აზერბაიჯანში შირვანშაჰებისა და შექის სასახლეებს, თურქეთის დივრიღის ისტორიულ კომპლექსს, ასევე, გელათის სამონასტრო კომპლექსს, სადაც კომპანია კონსერვაციის პროგრამის სამეცნიერო ზედამხედველობასა და კოორდინაციას ახორციელებდა.
სვეტიცხოვლის საკათედრო ტაძარი, რომელიც იუნესკოს (UNESCO) მსოფლიო კულტურული მემკვიდრეობის ნუსხაშია შეტანილი, ქართული ხუროთმოძღვრების უმნიშვნელოვანეს ძეგლს წარმოადგენს.
