https://sputnik-georgia.com/20261014/tbilisshi-puris-pestivali-gaimarteba-301138663.html
თბილისის ბოტანიკური ბაღი „პურის ფესტივალს“ უმასპინძლებს
თბილისის ბოტანიკური ბაღი „პურის ფესტივალს“ უმასპინძლებს
Sputnik საქართველო
ფესტივალის ფარგლებში გაიმართება პურის ცხობის მასტერკლასები, შემეცნებითი და საბავშვო აქტივობები, მოეწყობა მეწარმეთა სივრცე და ცოცხალი მუსიკალური პროგრამა. 14.10.2026-ს, Sputnik საქართველო
2026-10-14T11:37+0400
2026-10-14T11:37+0400
2026-10-14T11:37+0400
საქართველო
თბილისი დღეს
საზოგადოება
ახალი ამბები
თბილისის მერია
https://cdnn1.img.sputnik-georgia.com/img/07e6/0a/0a/271194199_0:66:1280:786_1920x0_80_0_0_b38a394cff5c4d06086d101ebc22fc90.jpg
თბილისი, 13 ოქტომბერი — Sputnik. საქართველოს ეროვნულ ბოტანიკურ ბაღში 17-18 ოქტომბერს ტრადიციული „პურის ფესტივალი" გაიმართება, ნათქვამია ორგანიზატორების მიერ გავრცელებულ ინფორმაციაში.„პურის ფესტივალი", რომელიც ქართული ხორბლის მრავალსაუკუნოვანი ისტორიის, პურის ცხობის ტრადიციებისა და კულტურული მემკვიდრეობის პოპულარიზაციას ეძღვნება, მეშვიდედ ჩატარდება.ფესტივალზე, ტრადიციულად, წარმოდგენილი იქნება ბოტანიკური ბაღის ქართული მარცვლოვანი კულტურების კოლექცია და საქართველოში მოქმედი პურის მწარმოებელი კომპანიების პროდუქცია. ფესტივალის სტუმრები გაეცნობიან ქართული ენდემური ხორბლის ჯიშებს, ბოტანიკური ბაღის მარცვლოვან კულტურათა საკოლექციო ნაკვეთსა და პურის ცხობის უძველეს ტრადიციებს.ორგანიზატორების ცნობით, ფესტივალმა წელს საერთაშორისო კონკურსზე Acanthus Prize-ის უმაღლესი - ოქროს ჯილდო მოიპოვა კატეგორიაში "საზოგადოებრივი ჩართულობა, განათლება და ცნობიერების ამაღლება". ჯილდოს საერთაშორისო გაერთიანება „ევროპის ისტორიული ბაღების მარშრუტი“ (ERHG) გასცემს. „აღნიშნული აღიარება ხაზს უსვამს ფესტივალის მნიშვნელობას ქართული ხორბლისა და ტრადიციული ცოდნის შენარჩუნებისა და პოპულარიზაციის საქმეში“, -ნათქვამია ინფორმაციაში. თბილისის „პურის ფესტივალი“ 2018 წლიდან ტარდება. წელს ღონისძიების მხარდამჭერები არიან თბილისის მერია, საქართველოს კულტურული მემკვიდრეობის დაცვის ეროვნული სააგენტო და ქართული ხორბლის მწარმოებელთა გაერთიანება.ფესტივალი 12:00-დან 18:00 საათამდე გაგრძელდება, რომლის ფარგლებშიც გაიმართება შემეცნებითი და საბავშვო აქტივობები, მოეწყობა მეწარმეთა სივრცე და ცოცხალი მუსიკალური პროგრამა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თბილისი დღეს, საზოგადოება, ახალი ამბები, თბილისის მერია
საქართველო, თბილისი დღეს, საზოგადოება, ახალი ამბები, თბილისის მერია
თბილისის ბოტანიკური ბაღი „პურის ფესტივალს“ უმასპინძლებს
ფესტივალის ფარგლებში გაიმართება პურის ცხობის მასტერკლასები, შემეცნებითი და საბავშვო აქტივობები, მოეწყობა მეწარმეთა სივრცე და ცოცხალი მუსიკალური პროგრამა.
თბილისი, 13 ოქტომბერი — Sputnik. საქართველოს ეროვნულ ბოტანიკურ ბაღში 17-18 ოქტომბერს ტრადიციული „პურის ფესტივალი" გაიმართება, ნათქვამია ორგანიზატორების მიერ გავრცელებულ ინფორმაციაში.
„პურის ფესტივალი", რომელიც ქართული ხორბლის მრავალსაუკუნოვანი ისტორიის, პურის ცხობის ტრადიციებისა და კულტურული მემკვიდრეობის პოპულარიზაციას ეძღვნება, მეშვიდედ ჩატარდება.
ფესტივალზე, ტრადიციულად, წარმოდგენილი იქნება ბოტანიკური ბაღის ქართული მარცვლოვანი კულტურების კოლექცია და საქართველოში მოქმედი პურის მწარმოებელი კომპანიების პროდუქცია. ფესტივალის სტუმრები გაეცნობიან ქართული ენდემური ხორბლის ჯიშებს, ბოტანიკური ბაღის მარცვლოვან კულტურათა საკოლექციო ნაკვეთსა და პურის ცხობის უძველეს ტრადიციებს.
„ფესტივალი ხელს უწყობს ადგილობრივი, მცირე მეწარმეების მხარდაჭერას, ქართული აგროკულტურული მემკვიდრეობის დაცვასა და ტრადიციული ცოდნის მომავალი თაობებისთვის გადაცემას“, -აღნიშულია ინფორმაციაში.
ორგანიზატორების ცნობით, ფესტივალმა წელს საერთაშორისო კონკურსზე Acanthus Prize-ის უმაღლესი - ოქროს ჯილდო მოიპოვა კატეგორიაში "საზოგადოებრივი ჩართულობა, განათლება და ცნობიერების ამაღლება". ჯილდოს საერთაშორისო გაერთიანება „ევროპის ისტორიული ბაღების მარშრუტი“ (ERHG) გასცემს.
„აღნიშნული აღიარება ხაზს უსვამს ფესტივალის მნიშვნელობას ქართული ხორბლისა და ტრადიციული ცოდნის შენარჩუნებისა და პოპულარიზაციის საქმეში“, -ნათქვამია ინფორმაციაში.
თბილისის „პურის ფესტივალი“ 2018 წლიდან ტარდება. წელს ღონისძიების მხარდამჭერები არიან თბილისის მერია, საქართველოს კულტურული მემკვიდრეობის დაცვის ეროვნული სააგენტო და ქართული ხორბლის მწარმოებელთა გაერთიანება.
ფესტივალი 12:00-დან 18:00 საათამდე გაგრძელდება, რომლის ფარგლებშიც გაიმართება შემეცნებითი და საბავშვო აქტივობები, მოეწყობა მეწარმეთა სივრცე და ცოცხალი მუსიკალური პროგრამა.
